Huis van Bourbon

in Wikipedia, die vrye ensiklopedie
Spring na: navigasie, soek
Huis van Bourbon
Wapen van die Huis van Bourbon
Lande Frankryk, Navarra, Spanje, Luxemburg
Oorsprong Dinastie van die Capetingers
Stigter Graaf Robert van Clermont
Gestig in 1272
Etnisiteit Frans, Spaans
Laaste heerser
Frankryk en Navarra:
Henri V (1830)
Parma:
Roberto I (1854-1859)
Twee Sisiliës:
Francesco II (1859-1861)
Huidige hoof
Frankryk en Navarra:
Prins Lodewyk XX (1989-)
Spanje:
Koning Juan Carlos I (1975-)
Parma:
Hertog Carlos Hugo (1977-)
Twee Sisiliës: BETWIS
Hertog Carlos van Kalabrië (1964-)
of
Hertog Carlo van Castro (2008-)
Luxemburg:
Groothertog Henri I (2000-)
{{{Voetnotas}}}

Die Huis van Bourbon is ’n belangrike Europese koningshuis, ’n tak van die Dinastie van die Capetingers. Konings van Bourbon het eerste in die 16de eeu oor Navarra en Frankryk geheers. Teen die 18de eeu het lede van die Bourbon-dinastie ook op die trone van Spanje, Napels & Sisilië en Parma gesit. Spanje en Luxemburg het tans Bourbon-monarge.

Frankryk[wysig]

Bourbon-monarge het oor Navarra (van 1555) en Frankryk (van 1589) regeer tot met die omverwerping in 1792 van die monargie tydens die Franse Rewolusie. Dit is in 1814 vir ’n kort ruk herstel ná die val van die Eerste Franse Ryk, maar die hooflyn van die Bourbons is in die Julie-rewolusie van 1830 finaal omvergewerp. ’n Tak van die Bourbons, die Huis van Orléans, het daarna vir agttien jaar regeer (1830–1848) tot hulle ook omvergewerp is.

Bourbon-konings van Frankryk[wysig]

Datums dui regeertye aan.

Spanje[wysig]

Koninklike wapen van Spanje.

Philip V van Spanje was die eerste Bourbon-heerser van Spanje, van 1700 af. Die Spaanse Bourbons — in Spanje word die naam Borbón gespel — is al verskeie kere omvergewerp en weer in plek gestel; hulle het regeer in 1700–1808, 1813–1868, 1875–1931 en 1975 tot die hede. Van die Spaanse lyn kom die koninklike lyn van die Koninkryk van die Twee Sisiliës (1734–1806 en 1815–1860, en in Sisilië net in 1806–1816), die Bourbon-Sisiliës-familie en die Bourbon-heersers van die Hertogdom van Parma.

Bourbon-konings van Spanje[wysig]

Datums dui regeertye aan.

Luxemburg[wysig]

Wapen van die Groothertog van Luxemburg.

Groothertogin Charlotte van Luxemburg het met ’n lid van die Bourbon-Parma-lyn getrou en dus is haar opvolgers, wat sedert haar abdikasie in 1964 oor Luxemburg regeer, ook tegnies gesproke lede van die Huis van Bourbon.

Bourbon-groothertoë van Luxemburg[wysig]

Datums dui regeertye aan.

Ander belangrike Bourbon-titels[wysig]

  • Hertog van Bourbon
  • Hertog van Montpensier
  • Hertog van Vendôme
  • Hertog van Anjou
  • Koning van die Twee Sisiliës
  • Hertog van Parma
  • Hertog van Orléans
  • Prins van Condé
  • Prins van Conti

Verdere leesstof[wysig]

  • Bergamini, John D. The Spanish Bourbons: The History of a Tenacious Dynasty. Putnam, 1974.
  • Petrie, Sir Charles. The Spanish Royal House. Geoffrey Bles, 1958.
  • Seward, Desmond. The Bourbon Kings of France. Barnes & Noble, 1976.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
Regerende dinastieë in Europa
België (België) • Bernadotte (Swede) • Bourbon (Spanje) • Grimaldi (Monaco) • Liechtenstein (Liechtenstein) • Nassau-Weilburg (Luxemburg) • Oranje-Nassau (Nederland) • Sleeswyk-Holstein-Sonderburg-Glücksburg (Denemarke/Noorweë) • Windsor (Verenigde Koninkryk)
Tydens die 20ste eeu onttroon: Bragança-Wettin (Portugal) • Habsburg (Oostenryk-Hongarye) • Hohenzollern (Duitsland) • Hohenzollern-Sigmaringen (Roemenië) • Karađorđević (Joego-Slawië) • Osman (Turkye) • Romanof (Rusland) • Sakse-Koburg en Gotha (Bulgarye) • Savoje (Italië/Albanië/Kroasië) • Sleeswyk-Holstein-Sonderburg-Glücksburg (Griekeland/Ysland) • Wittelsbach (Duitsland/Denemarke/Noorweë/Swede/Griekeland) • Zogoe (Albanië)