Huis van Saoed

in Wikipedia, die vrye ensiklopedie
Huis van Saoed

Land Vlag van Saoedi-Arabië Saoedi-Arabië
Gestig 1744
Stigter Mohammad bin Saoed (oorl. 1765)
Huidige hoof Salman
Erfgenaam Mohammad bin Salman
Tradisies Wahabisme
Godsdiens Islam

Die Huis van Saoed (Arabies: آل سعود, ʾĀl Suʿūd) is die heersende koninklike familie van Saoedi-Arabië. Dit bestaan uit die afstammelinge van Mohammad bin Saoed, stigter van die Emiraat Dirija, bekend as die Eerste Saoediese Staat, en sy broers, maar die heersende faksie van die familie bestaan uit die afstammelinge van Ibn Saoed, die moderne stigter van Saoedi-Arabië.[1] Die invloedrykste posisie in die familie is dié van koning. Salman, die huidige koning, het eers sy broerskind en daarna sy seun as kroonprins gekies nadat laasgenoemde met 31 uit 34 stemme deur ’n raad goedgekeur is.[2][3][4] Die familie bestaan na raming uit sowat 15 000 lede, maar die meeste mag en geld is in die hande van ’n groep van sowat 2 000.[5][6]

Die Huis van Saoed het drie fases beleef: die emiraat Dirija (1744-1818), die Eerste Saoediese Staat, wat deur die uitbreiding van Wahabisme gekenmerk is; die Emiraat Nadjd, die Tweede Saoediese Staat (1824-1891), wat gekenmerk is deur aanhoudende binnegevegte; en die Derde Saoediese Staat (1902-tans), wat in 1932 in Saoedi-Arabië ontwikkel het en nou aansienlike invloed in die Midde-Ooste uitoefen. Die familie was in konflik met die Ottomaanse Ryk, die Sjerif van Mekka, die Rasjidi-dinastie van Ha'il en hulle vassalhuise in Nadjd, talle Islamistiese groepe in en buite Saoedi-Arabië, en Sjiitiese minderhede in Saoedi-Arabië.

Die troonopvolging is so ontwerp dat een seun van die eerste koning, Ibn Saoed, die vorige seun opgevolg het. Die volgende aanspraakmaker, kroonprins Mohammad bin Salman, is die seun van koning Salman.[7][8][9] Die koningskap was oorerflik van broer tot broer tot in 2006, toe ’n koninklike dekreet bepaal het dat toekomstige Saoediese konings deur ’n komitee van Saoediese prinse verkies sal word.[10]

Baie lede van die koninklike familie is ook lid van die kabinet, wat deur die koning aangestel word.

Verwysings[wysig | wysig bron]

  1. "The House of Al Saud – A View of the Modern Saudi Dynasty". 18 September 2015 (in Engels). Geargiveer vanaf die oorspronklike op 5 Februarie 2020.
  2. correspondent, Martin Chulov Middle East; Borger, Julian (21 Junie 2017). "Saudi king ousts nephew to name son as first in line to throne". The Guardian (in Engels). ISSN 0261-3077. Geargiveer vanaf die oorspronklike op 6 Maart 2020. Besoek op 3 September 2019.
  3. "Mohammed bin Salman becomes Saudi Crown Prince with 31 out of 34 votes". english.alarabiya.net (in Engels). Geargiveer vanaf die oorspronklike op 9 Junie 2019. Besoek op 3 September 2019.
  4. Al-awsat, Asharq. "Middle-east Arab News Opinion". eng-archive.aawsat.com (in Oekraïens). Geargiveer vanaf die oorspronklike op 13 Mei 2020. Besoek op 3 September 2019.
  5. "HRH Princess Basma bint Saud bin Abdulaziz Al Saud". BBC (in Engels). 28 Julie 2011. Geargiveer vanaf die oorspronklike op 17 Oktober 2019. Besoek op 7 April 2013.
  6. Milmo Cahal (3 Januarie 2012). "The Acton princess leading the fight for Saudi freedom". The Independent. Besoek op 3 Januarie 2012.
  7. CNN, Nicole Chavez, Tamara Qiblawi and James Griffiths. "Saudi Arabia's king replaces nephew with son as heir to throne". CNN (in Engels). Geargiveer vanaf die oorspronklike op 9 Maart 2020. {{cite web}}: |last= has generic name (hulp)AS1-onderhoud: meer as een naam (link)
  8. Raghavan, Sudarsan; Fahim, Kareem (21 Junie 2017). "Saudi king names son as new crown prince, upending the royal succession line" (in Engels). The Washington Post. Besoek op 21 Junie 2017.
  9. "Saudi royal decrees announcing Prince Mohammed BinSalman as the new crown prince". TheNational (in Engels). Abu Dhabi Media. Geargiveer vanaf die oorspronklike op 24 Junie 2017. Besoek op 21 Junie 2017.
  10. Meet the world’s other 25 royal families The Washington Post. 22 Julie 2013.

Eksterne skakels[wysig | wysig bron]