Ili
| Ili | |
|---|---|
 | |
 Die stroomgebied van die Ili | |
| Oorsprong | Saamvloei van Koenes en Tekes, Xinjiang, Volksrepubliek China Tiensjan |
| Monding | Kasakstan Balchasj-meer |
| Stroomgebied | Volksrepubliek China, Kasakstan |
| Lengte | 1 400 km (870 myl) |
| Mondinghoogte | 340 m (1 115 voet) |
| Gemiddelde afloop | 480 m³/s (17 000 ft³/s) |
| Stroomgebiedopp. | 140 000 km² (54 000 myl²) |
Die Ili (Oeigoers: ئىلى دەرياسى, Ili deryasi of Или дәряси, Ili dəryasi; Kasaks: Іле, İle, ئله; Russies: Или; Chinees: 伊犁河, pinyin: Yīlí Hé; Mongools: Ил, letterlik: "kaalheid") is die grootste van die Balchasj-meer se invloeiende riviere. Dié rivier, met 'n lengte van 1 400 km (870 myl), ontstaan deur die saamvloei van die Koenes- en Tekes-riviere in die outonome gewes Xinjiang van die Volksrepubliek China. Aansluitend vloei dié rivier in 'n westelike rigting deur die stad Yining en bereik die Kasakse grens. In Kasakstan vloei die Ili in 'n westelike rigting tot by Kapchagai, sowat 70 km noord van die voormalige hoofstad Almati. Aansluitend vloei dié rivier in 'n noordwestelike rigting en mond in 'n wye delta in die Balchasj-meer uit.[1]
As gevolg van die groot bevolkingsgroei in die Chinese outonome gewes Xinjiang styg die waterverbruik, waardeur minder water die Balchasj-meer bereik en die meer bedreig.
Fotogalery
[wysig | wysig bron]-
Die Ili in Xinjiang, China -
Die Ili in Xinjiang, China -
Die Kapchagaidam in Kasakstan -
Nasa-Satellietbeeld van die Balchasj-meer met die Ili se monding in die suidweste
Verwysings
[wysig | wysig bron]- ↑ "Ili River" (in Engels). Encyclopædia Britannica. Geargiveer vanaf die oorspronklike op 20 Maart 2020. Besoek op 19 Augustus 2017.
Eksterne skakels
[wysig | wysig bron]
Wikimedia Commons het meer media in die kategorie Ili.- (en) "Ili River". Encyclopædia Britannica. Besoek op 8 Februarie 2019.
