Impofudam

in Wikipedia, die vrye ensiklopedie
Jump to navigation Jump to search
Impofudam
Amptelike naam Impofu Dam
Ligging Humansdorp, Oos-Kaap
Provinsie/Land Suid-Afrika
Koördinate 34°5′45″S 24°41′1″O / 34.09583°S 24.68361°O / -34.09583; 24.68361Koördinate: 34°5′45″S 24°41′1″O / 34.09583°S 24.68361°O / -34.09583; 24.68361
Dam op Kromrivier
Doel Nywerheid en huishoudelik
Openingsdatum 1983
Eienaar Departement van Waterwese
Soort dam Grondvulling
Hoogte van wal 75 m
Lengte van wal 793 m
Bakmaat 106 885 000 m3
Reservoir Impofudam Reservoir
Damoppervlak 570 ha

Die Impofudom (ook Mpofudam en Impovudam, voorheen Elandsjagdtdam) verskaf saam met die Churchilldam, die Kougadam, die Loeriedam en die Groendaldam water vir huishoudelike en nywerheidsgebruik aan die stedelike gebied van Port Elizabeth.

Ligging[wysig | wysig bron]

Die dam en die Elandsjagt-watersuiweringswerke lê in die Kromrivier in die omgewing van Humansdorp op 34° 5' suid en 24º 41' oos en dus net stroomaf van die Churchilldam. Beide die N2- en R102-pad loop oor die westelike punt van die dam. Die pad na die damwal is nie besonder geskik vir 'n passasiersmotor nie.

Geskiedenis[wysig | wysig bron]

Die konstruksie het in 1972 begin en is in 1982 voltooi. In Julie 1983 was die dam teen alle verwagtinge in binne drie dae vol.

Afmetings[wysig | wysig bron]

Hierdie dam is lank, nou en diep, met verskeie baaie. Die maksimum kapasiteit is 107 miljoen m³ en dan het dit 'n oppervlakte van meer as 6 km², 'n lengte van 25 km en 'n omtrek van 65 km. Die hoogte van die damwal is 75 m en die lengte 800 m.

Benutting[wysig | wysig bron]

Die Impofudam is Port Elizabeth se hoofbron van drinkwater. Ook voorkom die dam dat vloedwater landerye en huise aan die oewers en by die mond oorstroom. Die dam is gewild onder hengelaars weens die voorkoms van vyf visspesies. Daar is 'n bootlanseerhelling.

Sien ook[wysig | wysig bron]

Bibliografie[wysig | wysig bron]

  • Logie, Bartle: Governor's travels. A journey along the Kouga/Tsitsikamma coast. Hunters Retreat: Bluecliff. 1999. ISBN 0-620-24152-7
  • krommerivier.wordpress.com
  • www.bassfishing.co.za