Islington

in Wikipedia, die vrye ensiklopedie
Jump to navigation Jump to search
Islington
Die bekende kroeg The Angel, Islington
Die bekende kroeg The Angel, Islington
Ligging van Islington op 'n kaart (Groter Londen)
Islington
Islington
Koördinate: 51°31′58″N 0°06′22″W / 51.53278°N 0.10611°W / 51.53278; -0.10611Koördinate: 51°31′58″N 0°06′22″W / 51.53278°N 0.10611°W / 51.53278; -0.10611
Land Vlag van Verenigde Koninkryk Verenigde Koninkryk
Land Flag of England.svg Engeland
Graafskap Groter Londen
Borough Islington
Tydsone MGT (UTC±00:00)
 - Somer (DST) BST (UTC+01:00)
Poskode N1
Skakelkode(s) 020

Islington [ˈɪzlɪŋtən] is 'n stadsdeel van Groter Londen, Engeland wat net noord van die Britse hoofstad se sake- en finansiële sentrum, die City of London, geleë is. Dit is die sentrale naamgewende buurt vir die administratiewe distrik London Borough of Islington wat in 1965 met die samesmelting van twee vroeëre metropolitaanse distrikte, Islington en Finsbury, gevorm is. Die naam Islington het oorspronklik na die huidige distrik of borough se noordelike buurte verwys. Sy etimologiese oorsprong is die Angel-Saksiese pleknaam Gislandune ("Gisla se heuwel"). In die Domesday Book van 1086 word na die nedersetting verwys as Iseldone.

Islington was oorspronklik 'n herstellingsoord vir welgesteldes wat eers teen die einde van die 18de eeu minder aantreklik vir welvarende Londenaars geword het. Later, in die 20ste eeu, is Islington met literêre persoonlikhede soos Evelyn Waugh, George Orwell en Joe Orton verbind. Uiteindelik het ook Londenaars uit die hoër middelklas hulle tot die buurt aangetrokke gevoel en begin om ou woonhuise te renoveer. So was Islington ná die einde van die Tweede Wêreldoorlog een van die eerste stadsdele in Sentraal-Londen wat aan gentrifikasie blootgestel is.

Vandag is Islington 'n hoofsaaklik residensiële buurt van Londen se middestad (Inner London) wat van Islington High Street tot Highbury Fields strek en die gebied rondom die besige Upper Street, Essex Road en Southgate Road in die ooste insluit.