Evelyn Waugh

in Wikipedia, die vrye ensiklopedie
Jump to navigation Jump to search

Evelynwaugh.jpeg

Evelyn Waugh

Engelse skrywer en joernalis


Gebore
28 Oktober 1903
in Londen, Engeland,
Verenigde Koninkryk


Oorlede
10 April 1966
Combe Florey, Somerset, Verenigde Koninkryk


Literêre genres

Romans, biografieë, kortverhale, reisverhale, outobiografiese werke, satires


Bekende werke

Decline and Fall (1928)
A Handful of Dust (1934)
Brideshead Revisited (1945)
Sword of Honour (1952-1961)

Arthur Evelyn St. John Waugh ([ˈɑrθər ˈiːvlɪn ˈsɪndʒən wɔː]; * 28 Oktober 1903, † 10 April 1966), algemeen bekend as Evelyn Waugh, was 'n Engelse roman-, biografie- en reisverhaalskrywer wat hom ook as joernalis en resensent bekwaam het. Evelyn Waugh is een van die bekendste 20e-eeuse skrywers van satiriese romans.

Baie van sy werke bevat skerp kommentaar op die waardes en gewoontes van die rykes. Soos die meeste goeie satiriese werke, het Waugh sʼn 'n moraliserende motief; in sy geval die Katolisisme, wat na 1930 ʼn steeds belangriker tema in sy werk geword het. Hy het aan Hertford College, Oxford, gestudeer en was een van die "bright young things", 'n groep ryk, ligsinnige jongmense, wat hy later ongenadiglik skerp in sy romans ontleed het.

Hy het in die dertigerjare wyd gereis, onder meer as korrespondent van The Daily Express, en in die Tweede Wêreldoorlog in Joego-Slawië en in die Midde-Ooste geveg. Helder taal en beskrywings van groteske wreedheid kenmerk Waugh se vooroorlogse romans. Decline and fall (1928) en Vile bodies (1930) beskryf sy ervarings in die twintigerjare en die holle, amorele bestaan van die "bright young things".

Sy reise, veral in koloniale Afrika, vind neerslag in die satiriese romans Black mischief (1932) en Scoop (1938). Waugh se bekendste werke is die oorlogstrilogie Men at arms (1952), Officers and gentlemen (1955) en Unconditional surrender (1961), wat later saamgevat is onder die titel Sword of honour (1966).

Sy ernstigste roman is Brideshead revisited (1945), waarin hy die tweespalt tussen godsdienstige gevoelens en wêreldse belewenisse saamvat. y het in 1930 lidmaat van die Rooms-Katolieke Kerk geword en die spanning tussen die profane en die geestelike is 'n hooftema in sy werk. Hy is op 10 April 1966 in Combe Florey in die graafskap Somerset oorlede.

Bronnelys[wysig | wysig bron]