Jack Kerouac

in Wikipedia, die vrye ensiklopedie
Jump to navigation Jump to search
Jack Kerouac
’n Beeld van die betrokke persoonlikheid.
Foto geneem deur Tom Palumbo, omstreeks 1956

Geboortenaam Jean-Louis Kérouac
Gebore (1922-03-12)12 Maart 1922
Lowell, Massachusetts, U.S.
Oorlede 21 Oktober 1969 (op 47)
St. Petersburg, Florida, U.S.
Nasionaliteit Vlag van Verenigde State van Amerika Verenigde State
Beroep Skrywer, digter en skilder
Bekend vir On the Road, The Dharma Bums, Big Sur
Huweliksmaat Edie Parker (1944–1948)
Joan Haverty (1950–1951)
Stella Sampas (1966–1969)
Jack Kerouac signature.svg

Jean-Louis "Jack" Kerouac (ˈkɛruːæk of ˈkɛrɵæk, * 12 Maart 1922 in Lowell, Massachusetts; † 21 Oktober 1969 in St. Petersburg, Florida) was 'n Amerikaanse skrywer, digter en skilder van Frans-Kanadese afkoms. Hy word as 'n literêre beeldestormer en naas William S. Burroughs en Allen Ginsberg as 'n baanbreker van die sogenaamde Beat Generation (Beat-generasie) beskou.[1]

Kerouac geniet erkenning vir sy spontane manier van skryf waarby hy onderwerpe soos Katolieke spiritualiteit, jazz, promiskuïteit, Boeddhisme, dwelmmiddels, armoede en reis behandel. Hy het bekendheid as ondergrondse digter verwerf en saam met ander beat-skrywers een van die stamvaders van die hippie-beweging geword, alhoewel hy 'n antagonistiese houding teenoor dié beweging ingeneem het.

Die langdurige misbruik van alkohol word as oorsaak vir die interne bloeding aangevoer waaraan Jack Kerouac in 1969 op die ouderdom van 47 beswyk het. Ná sy afsterwe het hy nog wyer literêre aansien geniet en 'n aantal voorheen onbekende werke is postuum gepubliseer. Kerouac se werke word almal steeds herdruk, waaronder On the Road, Doctor Sax, The Dharma Bums, Mexico City Blues, The Subterraneans, Desolation Angels, Visions of Cody en Big Sur.

Kerouac ontheroad scroll.jpg

Verwysings[wysig | wysig bron]

  1. Omar Swartz: The View from the On the road: The Rhetorical Vision of Jack Kerouac. Southern Illinois University Press 1999, bl. 4

Eksterne skakels[wysig | wysig bron]