James Levine

in Wikipedia, die vrye ensiklopedie
Jump to navigation Jump to search
James Levine
’n Beeld van die betrokke persoonlikheid.
Geboortenaam James Lawrence Levine
Gebore 23 Junie 1943 (1943-06-23) (76 jaar oud)
Cincinnati, Ohio, VSA

James Lawrence Levine (* 23 Junie 1943 – ) is 'n Amerikaanse dirigent en pianis. Hy is veral bekend as gewese musikale direkteur van die Metropolitan Opera (the "Met"). Hy het veertig jaar lank die posisie beklee (1976–2016). Sy posisie by, en alle verbindinge met, die Metropolitan Opera, is formeel beëindig op 12 Maart 2018 as gevolg van beweringe van seksuele wangedrag, wat Levine ontken.[1]

Levine het talle opnames, sowel as televisie- en radioprogramme, met die Met gemaak. Levine het ook leiersposisies by die Ravinia-fees, die München Filharmoniese Orkes en die Boston Simfonieorkes gehou. In 1980 het hy die Lindemann Young Artists Development Program gestig en het dikwels belowende sangers, dirigente en musikante vir professionele loopbane opgelei.

Nadat hy 'n gesondheidsverwante pouse van byna twee jaar (2011 tot 2013) onderneem het, het Levine as die Met se voltydse Musiekdirekteur na die 2015/16-seisoen afgetree as Musiekdirekteur Emeritus.

Op 2 Desember 2017 het The New York Times 'n voorbladartikel gepubliseer waarin gedetailleerde beweringe van seksuele mishandeling deur vier mans in hul 40's tot 60's teen Levine gemaak is. Die volgende dag het die Met Levine geskors en sy toekomstige geskeduleerde verskynings gekanselleer.[2] Die Ravinia-fees het ook al hul bande met Levine gesny, so ook die Boston Simfonieorkes (BSO), wat aangekondig het dat Levine nooit weer in diens geneem sal word of gekontrakteer sal word deur die BSO nie. Na 'n ondersoek wat in Maart 2018 beëindig is het die Met, nadat geloofwaardige bewyse gevind is, hul kontrak met Levine beëindig oor "seksuele misbruik en teisterende gedrag".[1]

Verwysings[wysig | wysig bron]

  1. 1,0 1,1 Tilden, Imogen (13 Maart 2018). "Conductor James Levine fired by New York's Metropolitan Opera". The Guardian. London. Besoek op 13 Maart 2018. 
  2. Cooper, Michael (3 Desember 2017). "Met Opera Suspends James Levine After New Sexual Abuse Accusations". New York Times. New York. Besoek op 10 Oktober 2018. 

Eksterne skakels[wysig | wysig bron]

Kulturele poste
Voorafgegaan deur
Rafael Kubelík
Musikale direkteur, Metropolitan Opera
1976–2016
Opgevolg deur
Yannick Nézet-Séguin