Jenő Jandó

in Wikipedia, die vrye ensiklopedie
Jenő Jandó
Gebore01 Februarie 1952 (1952-02-01) (72 jaar oud)
GenresBarokmusiek, Klassiek, Romantiese musiek,
Beroep(e)pianis
InstrumenteKlavier

Jenő Jandó (Hongaarsː ˈjɒndo; gebore op 1 Februarie 1952) is 'n Hongaarse pianis en professor aan die Franz Liszt Musiekakademie in Boedapest, Hongarye.

Agtergrond en opvoeding[wysig | wysig bron]

Jandó het klavier by die Liszt Akademie onder Katalin Nemes en Pál Kadosa studeer, en het aangegaan om verskeie groot internasionale klavierkompetisies te wen, insluitende die Georges Cziffra en Ciani Klavierkompetisies. Sy professionele loopbaan het egter begin toe hy op 18-jarige ouderdom derde plek behaal het tydens die Beethoven Klavierkompetisie. Hy was ook die wenner van die 1973 Hongaarse Klavierconcours, en het eerste plek behaal in die kamermusiekkategorie tydens die Sydney Internasionale Klavierkompetisie in 1977.

Loopbaan as solis en begeleidende pianis[wysig | wysig bron]

Jandó word hoog gereken as beide 'n solis en begeleidende kunstenaar, soos blyk uit sy opnames, welke insluit 'n volledige opname van Beethoven se sonates tot Franz Schubert se Forelkwintet en Beethoven se klaviertrios Nos. 5-6 Op. 70 en die klaviertrio No. 7.

As begeleidende pianis het Jenő Jandó al gewerk saam met Takako Nishizaki in opnames van Beethoven se vioolsonates, die Franck vioolsonate, die Grieg vioolsonate, die volledige sonates van Schubert, asook die sonates van Mozart, welke werke opgeneem is vir Naxos. Baie van die opnames word hoog geag deur die Penguin gids vir opgeneemde klassieke musiek. Sy styl van begeleiding is ook opmerklik in Zoltán Kodály se Tjellosonate (Op. 4), sowel as in die meer onlangse opname van Ernő Dohnányi se tjellosonates saam met Maria Kliegel.

Hy is bekend daarvoor dat hy sing of neurie terwyl hy speel; ten einde dit te verhoed het hy die gewoonte aangeleer om 'n onaangesteekte sigaret in sy mond te plaas![1]

Opnames[wysig | wysig bron]

Jandó het alreeds meer as sestig albums opgeneem, insluitende musiek deur Bach, Beethoven, Liszt, Schumann, Schubert, Brahms, Haydn, Bartók , Chopin en vele ander. Hy neem tans eksklusief op vir Naxos.

Verwysings[wysig | wysig bron]

  1. "Jeno Jando- Bio, Albums, Pictures – Naxos Classical Music". Besoek op 30 Junie 2016.

Eksterne skakels[wysig | wysig bron]