Maria Kliegel
Maria Kliegel | |
|---|---|
 | |
| Gebore | 14 November 1952 |
| Beroep | Tjellis |
| Webwerf | http://www.maria-kliegel.com |
Maria Kliegel (14 November 1952 -) is 'n Duitse tjellis.
Professionele loopbaan
[wysig | wysig bron]Kliegel is in Dillenburg, Hesse gebore. Sy het op die ouderdom van negentien jaar onder Janos Starker begin studeer. Sy het eerste prys gewen tydens die Amerikaanse Kollege Kompetisie, Eerste Duitse Musiekkompetisie en Concours Aldo Parisot, en was ook die Grand Prize wenner tydens die tweede Mstislav Rostropovich Internasionale Tjello Kompetisie in 1981.[1]
Die Russiese komponis Alfred Schnittke het haar interpretasie van sy Eerste Concerto vir Tjello en Orkes, toe Kliegel dit in 1990 opgeneem het, as die standaard opname daarvan aanvaar. Bo en behalwe laasgenoemde, het sy ook verskeie opnames vir Naxos gemaak, insluitende concertos en ander werke deur Beethoven, Bloch, Brahms, Bruch, Dohnányi, Dvořák, Elgar, Lalo, Saint-Saëns, Sjostakowitsj, Schumann, Tavener en Tsjaikofski. Sy het ook 'n groot volume kamermusiek deur Brahms, Chopin, Demus, Gubaidulina, Kodály, Mendelssohn en Schubert opgeneem.
Sy neem binnekort Beethoven se volledige werke vir tjello en klavier, Haydn se tjelloconcertos en Bach se solo tjello suites op. Sy het voorheen 'n Stradivarius bespeel wat bekend geword het as die ex-Gendron, na die bekende Franse tjellis Maurice Gendron.[2] Sy bespeel tans 'n tjello wat deur Carlo Tononi in Venesië in c. 1730 gemaak was. Sy gee sedert 1986 meesterklasse by die Hochschule für Musik Köln.
Verwysings
[wysig | wysig bron]- ↑ Interview Internet Cello Society, Tim Finholt, 2000
- ↑ See List of Stradivarius instruments for details and provenance.
Eksterne skakels
[wysig | wysig bron]- Maria Kliegel biografie en diskografie by Naxos
Normdata  |
|
|---|