Jewgeni Soedbin
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Jewgeni Olegowitsj Soedbin (Russies:Евгений Олегович Судьбин; gebore 19 April 1980,[1] Sint Petersburg, Rusland) is 'n Russiese konsertpianis.
Soedbin het by die Sint Petersburg Konservatoria gestudeer. Sy gesin het na Berlyn, Duitsland getrek toe hy tien jaar oud was, en hy het aldaar verskeie klavierkompetisies gewen[2] en by die Hochschule für Musik Hanns Eisler in Berlyn gestudeer. Hy was vir nege jaar 'n leerling van Christopher Elton by die Purcell School en by die Koninklike Akademie van Musiek.[3] Sy opvoeding het ook lesse met Murray Perahia, Claude Frank, Leon Fleisher, Stephen Kovacevich, Dmitri Bashkirov, Fou Ts'ong, Stephen Hough, Alexander Satz, en Maria Curcio ingesluit. Soedbin het reeds die musiek van Mozart, Beethoven, Tsjaikofski, Rachmaninoff, Medtner, Scarlatti, en Skriabin vir die BIS Records plate-etiket opgeneem.[3][4]
Soedbin woon sedert 1997 in die Verenigde Koninkryk. Hy het in Julie 2008 sy buiging by The Proms gemaak.[5] Soedbin is dieselfde maand met Sally Wei in Italië getroud.[6] Hy is in September 2010 aangestel as besoekende professor in klavier by die Koninklike Akademie van Musiek in Londen.[7]In Julie 2017 was 'n CD op die Pentatone-Oxingale Records plate-etiket uitgereik vir die opening van die Tippet Rise-fees, met uitvoerings deur o.a. Soedbin, Christopher O’Riley en Matt Haimovitz.
Verwysings[wysig | wysig bron]
- ↑ Caroline Benser, At the Piano: Interviews with 21st-Century Pianists, p. 125. Besoek 27 Februarie 2014
- ↑ Michael Church (24 Julie 2008). "Preview: Prom 10: Yevgeny Sudbin, Royal Albert Hall, London". The Independent. Besoek op 26 Julie 2008.
- ↑ 3,0 3,1 Damian Thompson (29 Desember 2005). "From Russia, with fingers of steel". Telegraph. Besoek op 28 November 2007.
- ↑ Geoffrey Norris (24 November 2007). "Classical CDs". Telegraph (in Engels). Geargiveer vanaf die oorspronklike op 2 Desember 2007. Besoek op 26 Julie 2008.
- ↑ Geoffrey Norris (25 Julie 2008). "BBC Proms 2008: Sudbin sublime, support subdued suppo orchestra". Telegraph (in Engels). Geargiveer vanaf die oorspronklike op 9 Augustus 2008. Besoek op 26 Julie 2008.
- ↑ Geoffrey Norris (24 Julie 2008). "Yevgeny Sudbin: concerto for a stag night". Telegraph (in Engels). Geargiveer vanaf die oorspronklike op 1 Augustus 2008. Besoek op 26 Julie 2008.
- ↑ "New Appointments". Royal Academy of Music. Besoek op 2 Oktober 2010.
Eksterne skakels[wysig | wysig bron]
- Jewgeni Soedbin se Amptelike webwerf
- Virtuoos-pianis Jewgeni Soedbin wy uit oor Safari, Eggs Benedict en die lewe van 'n solis Geargiveer 15 Maart 2013 op Wayback Machine
| Hierdie artikel is in sy geheel of gedeeltelik vanuit die Engelse Wikipedia vertaal. |
Normdata  |
|
|---|