Joezjno-Sachalinsk

Joezjno-Sachalinsk Южно-Сахалинск
Stad
Wapen
Joezjno-Sachalinsk
Koördinate: 46°58′N 142°44′O
Land	Rusland
Deelgebied	Sachalin-oblast
Dorpstatus	1946
Regering
• Tipe	Stadsraad
• Burgemeester	Sergei Nadsadin
Bevolking
• Totaal	190 227
Tydsone	UTC+11:00
Webwerf	http://yuzhno.sakh.ru/

Joezjno-Sachalinsk (Russies: Ю́жно-Сахали́нск) is die hoofstad van Sachalin-oblast, Rusland, wat Sachalin-eiland en die Koerile insluit. Die bevolking in 2013 was 190 227. Dit was van 1882 tot 1905 bekend as Wladimirofka (Владимировка) en van 1905 tot 1946 as Tojohara (Japannees: 豊原).

Geskiedenis

Die vroeë dae van Wladimirofka.

Die stad was aanvanklik ’n klein dorpie met die naam Wladimirofka wat in 1882 deur gevangenes gestig is. Ná die Russies-Japannese Oorlog van 1904–1905 is die suidelike deel van Sachalin-eiland aan Japan toegeken en Wladimirofka is hernoem tot Tojohara.

Aan die einde van die Tweede Wêreldoorlog is die Japannese deel van Sachalin-eiland deur Sowjet-troepe beset. Die stad het deel van die Sowjetunie geword en is Joezjno-Sachalinsk genoem.

Vanweë groot beleggings deur oliemaatskappy in veral die noordelike deel van die eiland, het dit aansienlik gegroei. Die aanvraag na natuurlike hulpbronne deur Japan, China en Suid-Korea verseker dat die eiland nog lank gaan vooruitgaan.

Demografie

Die meeste inwoners is etniese Russe, maar daar woon ook ’n aansienlike aantal Koreane, asook verskeie minderheidsgroepe, in die stad.

Eksterne skakels

• Amptelike webtuiste (ru)
• Geskiedenis Geargiveer 25 Mei 2005 op Wayback Machine (en)

• Wikimedia Commons het meer media in die kategorie Joezjno-Sachalinsk.
• Hierdie artikel is vertaal uit die Engelse Wikipedia