Johann Rissik

in Wikipedia, die vrye ensiklopedie
Jump to navigation Jump to search
Johann Rissik
Johann Rissik.jpg
Gebore
Johann Friedrich Bernhard Rissik

2 Februarie 1857
Sterf26 Augustus 1925
NasionaliteitNederland
Suid-Afrika
BeroepLandmeter-generaal
Minister van Lande en Naturallesake
Administrateur van Transvaal
Bekend virNaamgewer van Johannesburg
EggenootMaria Magdalina Wilhelmina Leibbrand
Kinders4[1]
Ouer(s)Gerrit Hendrik Rissik
Neeltje Altmann

Johann Friedrich Bernhard Rissik (1857–1925) was die eerste Administrateur van Transvaal en ook 'n landmeter. Hy is in Nederland gebore. As waarnemende landmeter-generaal van die Suid-Afrikaanse Republiek was hy verantwoordelik om Johannesburg uit te lê en word daarom as die peetvader van die stad beskou. Hy het Benoni ook uitgelê. Hy is in 1907 aangestel as Minister van Lande en Naturallesake. Met Uniewording in 1910 is hy aangestel as die eerste Administrateur van Transvaal. Hy tree in 1917 af en is in 1925 oorlede.

Johannesburg se naam[wysig | wysig bron]

Die vier Rissik-broers in die Zuid-Afrikaansche Republiek, nie lank voor die uitbreek van die Tweede Vryheidsoorlog nie. Van links: Hendri, Cornelis, Gerard en Johann.
Rissik se grafsteen in die Heldeakker in Pretoria.

Rissik en Christiaan Johannes Joubert het waarskynlik aan Johannesburg sy naam besorg. Rissik en Joubert het op 3 Augustus 1886 opdrag gekry om verslag te doen oor plase aan die Witwatersrand wat as delwerye geproklameer kan word, en om 'n plek vir 'n dorp te bepaal. Rissik en Joubert is bygestaan deur veldkornet Johannes Petrus Meyer. Meyer was voordat die hoofgoudrif ontdek is reeds met die gebied verbind, en was vir alle aangeleenthede rakende die hoofrif verantwoordelik. Hulle het saam besluit dat die suidelike deel van Randjeslaagte die geskikste plek vir die dorp sou wees.

Daar word algemeen aanvaar dat Rissik en Joubert die dorp na Meyer vernoem het. Dié voorstel is na pres. Paul Kruger verwys, wat geen beswaar gehad het nie. Hy het glo opgemerk dat hy, Leyds (die staatsprokureur), Rissik én Joubert almal Johannesse was en dat die voorstel daarom des te meer aanvaarbaar was. Die feit dat soveel mense in die regering en staatsdiens Johannes geheet het, het ook gehelp.

Die borsbeelde van Rissik en Joubert pryk tot vandag in 'n voorportaal van die raadsaal van die Johannesburgse burgersentrum.[2] Rissikstraat in Johannesburg is ook na hom vernoem.

Bron[wysig | wysig bron]

Verwysings[wysig | wysig bron]