Benoni

in Wikipedia, die vrye ensiklopedie
Spring na: navigasie, soek
Benoni
Die sakekern van Benoni
Die sakekern van Benoni
Ligging van Benoni op 'n kaart (Gauteng)
Benoni
Benoni
Ligging van Benoni op 'n kaart (Suid-Afrika)
Benoni
Benoni
Koördinate: 26°11′18″S 28°19′14″O Koördinate: 26°11′18″S 28°19′14″O
Land Vlag van Suid-Afrika Suid-Afrika
Provinsie Gauteng
Metropolitaanse Munisipaliteit Ekurhuleni
Stigting 1881
Hoogte 1 645 m (5 397 vt)
Bevolking (2010)
 - Stad 679 147
Tydsone SAST (UTC+2)
Die Kopanong-konferensiesentrum in Benoni.

Benoni is 'n dorp aan die Oos-Rand in die Gauteng-provinsie, Suid-Afrika. Dit is sedert 2000 deel van die Ekurhuleni Metropolitaanse Munisipaliteit.

Geskiedenis[wysig]

Benoni het ontstaan toe die landmeter-generaal, Johan Rissik, dit in 1881 moeilik gevind het om titelaktes aan al die onopgeëiste staatsgrond toe te ken. Hy het die area Benoni (seun van my smart) genoem, die naam wat Ragel aan haar seun in die Bybelse boek Genesis gegee het. Goud is in September 1887 ontdek en die Chimes-myn is gestig deur immigrante uit Cornwall. Die dorpie was vroeër as "Little Cornwall" bekend.

Sir George Farrar, wat die voorsitter van 'n mynmaatskappy was, het dit op hom geneem om die vinniggroeiende myndorp in 1904 te begin verfraai. Mynwater is gekanaliseer na 'n vleiland, en so is reservoirs geskep wat van visse voorsien is. Dié reservoirs bestaan nog - vele mere waarin visgevang word, op bootjies gevaar word, en waar mense ontspan. Duisende bome is ook geplant in die nuwe buurte en munisipale status is in 1907 toegeken.

In 1922 het die Randse Opstand of die 1922-staking uitgebreek in die myne op die Witwatersrand en duisende blanke mynwerkers het begin staak. Die staking is gedeeltelik gelei deur die Suid-Afrikaanse Kommunisteparty. Benoni is as een van die mynwerkers se hoofkwartiere gebruik en daar was heelwat gevegte in die omgewing. By die Benoni Museum kan meer van dié deel van die dorp se geskiedenis te wete gekom word.

Benoni vandag[wysig]

Goud het met die verloop van tyd minder belangrik geword. Besigheid is vandag meer gefokus op industrieë en dienslewering, eerder as mynbou, en die dorp bedien ook ander nabygeleë dorpe soos Brakpan, Springs en Nigel. Besoekers aan die dorp kan die plaaslike museum besoek, asook die vele mere, die Lakeside Winkelsentrum ( gebou in die vorm van 'n Mississippi-stoomboot langs een van die mere) of die Northmead Square. Naby die Northmead Square is die bekende Hasiepark waar hase en ander klein diere aangehou word.

Bekende persone[wysig]

Die Oscar-bekroonde aktrise Charlize Theron is een van die bekende persone wat in Benoni grootgeword het. Die ander is Bryan Habana.

Sien ook[wysig]