John Joubert (komponis)

in Wikipedia, die vrye ensiklopedie
Jump to navigation Jump to search
John Joubert
’n Beeld van die betrokke persoonlikheid.
John Joubert in 2007, afgeneem deur John E. Morris

Geboortenaam John Pierre Herman Joubert
Gebore (1927-03-20)20 Maart 1927
Kaapstad, Unie van Suid-Afrika
Oorlede 7 Januarie 2019 (op 91)
Nasionaliteit Vlag van Suid-Afrika Suid-Afrika
Alma mater Diocesan-kollege
Suid-Afrikaanse Musiekkollege
Koninklike Akademie vir Musiek
Universiteit van Durham
Beroep Komponis, akademikus
Webblad johnjoubert.org.uk

John Pierre Herman Joubert (20 Maart 1927 – 7 Januarie 2019) was 'n Suid-Afrikaanse komponis. Hy is in Kaapstad gebore. Van 1942 tot 1946 het hy onder prof. W.H. Bell aan die Suid-Afrikaanse Musiekkollege in Kaapstad gestudeer. Hy het later na Engeland vertrek en tot in 1950 onder Howard Ferguson aan die Royal Academy of Music in Londen gestudeer.

Biografie[wysig | wysig bron]

Joubert het hom in Engeland gevestig, waar hy in Hull lektor in musiek geword het. Sedert 1962 is hy aan die Universiteit van Birmingham verbonde.

Joubert komponeer instrumentale en vokale musiek en is die eerste komponis van 'n werklik Suid-Afrikaanse opera, In die droogte (1956). Sy radio-opera Antigone is in 1954 deur die BBC uitgesaai. In 1960 het 'n meer ambisieuse opera gevolg: Silas Marner, gegrond op die gelyknamige roman van George Eliot. In 1969 het Under Western Eyes, gegrond op Joseph Conrad se boek, gevolg.

Vir sy geestelike vokale musiek maak Joubert van Latynse tekste gebruik. Sy Koorsimfonie, in 1981 voltooi, beskryf hy as "'n seereis en 'n eindpunt: 'n metafisiese reis, 'n leef-en-sterf-siklus". Die teks is gegrond op gedigte van Walt Whitman, Roy Campbell en W.B. Yeats.

Onder die meer as 70 gepubliseerde werke is 'n aantal opdragte uit Suid-Afrika gekomponeer. Sy toonsettings van gedigte deur W.E.G. Louw en Leipoldt se Ek sing van die wind vorm deel van sy groot bydrae tot die kunsliedskat. Hy is op 7 Januarie 2019 oorlede.

Bronnelys[wysig | wysig bron]

Eksterne skakels[wysig | wysig bron]