John Roberts

in Wikipedia, die vrye ensiklopedie
Jump to navigation Jump to search
J.M. Roberts
Gebore 14 April 1928
Oorlede 30 Mei 2003
Nasionaliteit Vlag van Verenigde Koninkryk Verenigde Koninkryk
Beroep Skrywer, Historikus

John Morris Roberts (14 April 1928 – 30 Mei 2003), dikwels bekend as J. M. Roberts, was 'n Britse geskiedkundige wat 'n groot aantal werke gepubliseer het. Van 1979 tot 1985 was hy vise-kanselier van die Universiteit van Southampton, en vanaf 1985 tot 1994, toesighouer van Merton College, Universiteit van Oxford. Hy was ook baie bekend as die outeur en aanbieder van die BBC TV reeks The Triumph of the West (1985).

Biografie[wysig | wysig bron]

Roberts was in Bath gebore,[1] as die seun van 'n winkelklerk[2] en opgevoed by Taunton School. Hy het 'n beurs gewen om by Keble College, Oxford te studeer. Nanasionale diensplig was hy verkies as 'n genoot van Magdalen College, Oxford, waar hy 'n doktorale tesis voltooi het oor die Italiaanse Republiek gedurende die tyd van Napoleon Bonaparte.

The Times Literary Supplement het Roberts beskryf as "master of the broad brush-stroke". In 1953 was Roberts verkies as 'n genoot in Moderne Geskiedenis by Merton College, Oxford en in dieselfde jaar het hy as 'n Genoot van die Gemenebes Fonds na die Princeton Universiteit en Yale-universiteit in die VSA vertrek, waar sy belangstellings verbreed is. Hy het drie kere na die VSA teruggekeer as 'n besoekende professor in die 1960's. Van 1979 tot 1985 was Roberts vise-kanselier van die Universiteit van Southampton waar hy verplig gevoel het om ongewilde besnoeiings te maak (Oudheid en Teologie). In 1985 het Roberts die dertien-episode BBC reeksThe Triumph of the West geskryf en aangebied, en hy was later historiese adviseur tot die reeks People's Century. Van 1985 tot sy aftrede in 1994 was Roberts toesighouer van Merton College, Oxford, waarna hy na Somerset teruggekeer het.

In 1996 was Roberts aangestel as CBE vir sy 'dienste aan opvoeding en geskiedenis' en in 1991 was hy 'n Kavalier gemaak van die Orde van Verdienstelikheid van die Italiaanse Republiek .[3]

Roberts het in 2003 by Roadwater, Somerset,[4] beswyk, kort nadat hy die vierde hersiene weergawe van sy Die Nuwe Geskiedenis van die Wêreld voltooi het.

Erfenis[wysig | wysig bron]

Die John Roberts Memorial Fund is in 2003 ter ere van hom by Merton College gestig, met die doel om die finansiële ondersteuning wat beskikbaar is aanvoorgraadse- en nagraadse studente te verhoog.

Roberts se ' The Mythology of the Secret Societies is in 2008 heruitgereik.

Persoonlike lewe[wysig | wysig bron]

Roberts het op 10 September 1960 by Milton Abbas met (Mariabella) Rosalind Gardiner getrou. Die huwelik was in 1964 ontbind. Roberts het daarna op 29 Augustus 1964 met Judith Cecilia Mary Armitage, 'n onderwyseres, getrou, en hulle het een seun en twee dogters gehad.[5]

Geselekteerde werke[wysig | wysig bron]

Verwysings[wysig | wysig bron]

  1. https://web.archive.org/web/20100831035654/http://www.independent.co.uk/news/obituaries/j-m-roberts-548254.html
  2. "The Daily Telegraph". Besoek op 26 May 2015.
  3. The Daily Telegraph https://www.telegraph.co.uk/news/obituaries/1432378/J-M-Roberts.html. Ontbrekende of leë |title= (help)
  4. Gildea, Robert (3 June 2003). "J. M. RobertsInfluential historian with a taste for academic leadership". The Independent. Besoek op 2009-02-16.
  5. Colin Lucas: Roberts, John Morris (1928–2003), Oxford Dictionary of National Biography, Oxford University Press, Jan 2007, online edn, Oktober 2009, besoek op 14 Aug 2013

Eksterne skakels[wysig | wysig bron]

Akademiese poste
Voorafgegaan deur
Laurence Gower
Vise-Kanselier Universiteit van Southampton
1984–1985
Opgevolg deur
Sir Gordon Higginson
Voorafgegaan deur
Rex Richards (wetenskaplike)
Toesighouer van Merton College, Oxford
1985–1994
Opgevolg deur
Jessica Rawson