Josef Strauss

in Wikipedia, die vrye ensiklopedie
Jump to navigation Jump to search
Josef Strauss

Josef Strauss (20 Augustus 182722 Julie 1870) was 'n Oostenrykse komponis.

Hy is gebore in Mariahilf (nou Wene) as die seun van Johann Strauss sr. en Maria Anna Streim. Hy was die broer van Johann Strauss jr. en Eduard Strauss. Sy vader wou gehad het dat hy 'n loopbaan volg in die Oostenrykse Habsburg-weermag. Hy het musiek studeer saam met Franz Dolleschal en die viool studeer onder Franz Anton Ries.

Hy ontvang opleiding as ingenieur en werk vir die stad van Wene as stadsingenieur- en ontwerper. Hy publiseer twee wiskundige handboeke. Strauss was voorts ook 'n bedrewe kunstenaar, skilder, digter, dramaturg en uitvinder.[1]

Musiek[wysig | wysig bron]

Josef Strauss het 283 opusnommers gekomponeer. Hy het verskeie walse gekomponeer, insluitende Sphären-Klänge, Delirien (Deliriums), Transaktionen, Mein Lebenslauf ist Lieb 'und Lust en Dorfschwalben aus Österreich. Hy het ook polkas (waarvan die bekendste die Pizzicato Polka is wat saam met sy broer Johann gekomponeer is) en kwadrilles en ander dansmusiek en 'n paar marse gekomponeer. Die wals Dynamiden - met sy gebruik van mineursleutels - vertoon eienskappe wat sy walse onderskei van dié van sy meer gewilde ouer broer. [2] Die polka-mazurka toon die invloed van Strauss en hy het baie voorbeelde daarvan gekomponeer, soos Die Emancipierte en Die Libelle.

Dood[wysig | wysig bron]

Josef Strauss het vir die grootste deel van sy lewe met sy gesondheid gesukkel. Hy was geneig tot floutes en intense hoofpyne. [3] Tydens 'n toer in 1870 het hy bewusteloos geword en van die dirigentpodium (in Warskou) geval terwyl hy sy "Musical Potpourri" gedirigeer het. Sy vrou het hom teruggeneem na die Hirschenhaus in Wene, waar hy op 22 Julie van daardie jaar oorlede is. Daar was gerugte dat hy deur besope Russiese soldate geslaan is nadat hy na bewering een aand geweier het om vir hulle op te tree. 'n Spesifieke doodsoorsaak is nooit vasgestel nie aangesien sy weduwee enige lykskouing verbied het. Hy is aanvanklik begrawe in die St. Marx Begraafplaas en later herbegrawe in die Sentrale Begraafplaas van Wene, saam met sy moeder Anna.

Sy walse en polka's sou moontlik die van sy ouer broer Johann II oortref het indien hy oorleef het, aangesien laasgenoemde begin spesialiseer het in operette en ander verhoogwerke.

Werke deur Josef Strauss[wysig | wysig bron]

Die werke van Josef Strauss sluit o.a. in:[4]

  • Die Ersten und Letzten wals op. 1 (1853)
  • Die Ersten nach den Letzten wals op. 12 (1854)
  • Die Guten, Alten Zeiten wals op. 26 (1856)
  • Die Mai-Rosen wals op. 34 (1857)
  • Liechtenstein-Marsch op. 36 (1857)
  • Perlen der Liebe konsert-wals op. 39 (1857)
  • Wallonen-Marsch op. 41 (1857)
  • Moulinet-Polka polka francaise op. 57 (1858)
  • Laxenburger-Polka, Op. 60 (1858)
  • Sympathie polka-mazurka op. 73 (1859)
  • Lustschwärmer wals op. 91 (1860)
  • Schabernack, vinnige polka op. 98
  • Wiener Bonmots wals op. 108 (1861)
  • Winterlust polka op. 121 (1862)
  • Brennende Liebe polka-mazurka op. 129 (1862)
  • Auf Ferienreisen! polka op. 133 (1863)
  • Die Schwätzerin polka-mazurka op. 144 (1863)
  • Wiener Couplets wals op. 150 (1863)
  • Dorfschwalben aus Österreich wals op. 164 (1864)
  • Frauenherz polka-mazurka op. 166 (1864)
  • Sport-Polka op. 170 (1864)
  • Dynamiden (Geheimne Anziehungskräfte) wals op. 173 (1865)
  • Stiefmütterchen polka-mazurka op. 183 (1865)
  • Transaktionen wals op. 184 (1865)
  • Carrière, vinnige polka, op. 200
  • Die Marketenderin polka op. 202 (1866)
  • Die Libelle ('Die Naaldekoker') polka-mazurka op. 204 (1866)
  • Delirien ('Deliriums') wals op. 212 (1867)
  • Herbstrosen wals op. 232 (1867)
  • Sphärenklänge wals op. 235 (1868)
  • Eingesendet polka op. 240 (1868)
  • Plappermäulchen ('Babbelbekke') polka op. 245 (1868)
  • Aquarellen ('Waterkleure') wals op. 258 (1869)
  • Eislauf ('Ysskaats') polka op. 261 (1869)
  • Neckerei ('Terggees') polka mazur op. 262
  • Mein Lebenslauf Ist Lieb` Und Lust! wals op. 263 (1869)
  • Die Tanzende Muse ('Die Dansende Muse') polka-mazurka op. 266 (1869)
  • Feuerfest! ('Vuurvas!') polka francaise op. 269 (1869).
  • Aus der Ferne Polka Mazur op. 270 (1869)
  • Ohne Sorgen! ('Sonder 'n Sorg!') polka op. 271 (1869)
  • Nilfluthen ('Die Nyl se Waters') waltz op. 275 (1870)
  • Frauenwürde wals op. 277 (1870)
  • Jokey-Polka op. 278 (1870)
  • Hesperusbahnen ('Hesperus se Weg') wals op. 279 (1870)
  • Die Emancipierte ('Die Geëmansipeerde Vrou') polka-mazurka op. 282 (1870)

Sien ook[wysig | wysig bron]

Verwysings[wysig | wysig bron]

Eksterne skalels[wysig | wysig bron]