Juan Pablo Montoya

Juan Pablo Montoya
Juan Pablo Montoya in 2014
Geboortedatum	20 September 1975 (1975-09-20)
Geboorteplek	Bogotá, Colombia
Volle naam	Juan Pablo Montoya Roldán
Nasionaliteit	Colombianer
Aktiewe jare	2001–2006
Inskrywings	95 (94 wegspronge)
Kampioenskappe	0
Oorwinnings	7
Podiums	30
Loopbaanpunte	307
Voorste wegspronge	13
Vinnigste rondtes	12
Eerste F1-wedren	2001 Australiese Grand Prix
Eerste wen	2001 Italiaanse Grand Prix
Laaste wen	2005 Brasiliaanse Grand Prix
Laaste inskrywing	2006 Verenigde State Grand Prix

Juan Pablo Montoya Roldán (gebore 20 September 1975) is 'n Colombiaanse renjaer wat tans vir Acura Meyer Shank Racing aan die WeatherTech Sportmotorkampioenskap deelneem. Hy het in 2019 die kampioenskap vir Span Penske verower.

Loopbaan

Juan het op die ouderdom van ses jaar met renstelle in Colombië begin deelneem en drie jaar later 'n nasionale kampioenskap gewen. Daarna het Montoya aan verskeie formule kampioenskappe deelgeneem, onder andere, Formule Renault, Formule Vauxhall, Formule Drie (Britse Kampioenskap).

In 1998 wen hy die Formule 3000 Internasionale Kampioenskap (Nick Heidfeld was die naaswenner), terwyl hy vir die Williams Formule Een Span toetswerk (ontwikkeling) verrig. In 1999 verhuis Montoya na die VSA en wen die CART-kampioenskap in sy eerste seisoen. In 2000 wen Montoya die Indianapolis 500 en verskuif in 2001 na Formule Een.

Formule Een

In 2001 vervang Juan Montoya vir Jenson Button by die BMW WilliamsF1 Span. In slegs Montoya se derde wedren (Brasilië 2001) steek hy vir Michael Schumacher verby en neem die eerste plek in die wedren, maar is later in 'n botsing met Jos Verstappen betrokke en kon nie die wedren voltooi nie.

Gedurende Montoya se eerste seisoen verbeur hy 'n paar geleenthede om sy eerste Grand Prix te wen, veral weens tegniese probleme (Hockenheim).

By die 2001 Italiaanse Grand Prix in Monza wen Montoya sy eerste wedren in sy eerste seisoen.

2002 is nie 'n goeie jaar vir WilliamsF1 nie. Montoya toon egter sy staal in die kwalifiserende rondtes op Saterdae deur sewe voorste wegspringposisies agtermekaar te verower.

In 2003 wen Montoya byna die Wêreldkampioenskap na oorwinnings in Monaco (Monte Carlo) en Hockenheim (Duitsland). Na 'n ongeluk met Barrichello in die Verenigde State Grand Prix by Indianapolis is Montoya se kanse op die kampioenskap verby.

Na interne struwelinge met die Williams-span, kondig Montoya vroeg in 2004 aan dat hy vanaf 2005 vir McLaren Mercedes sal ry. 2004 is 'n baie teleurstellende jaar vir Williams, maar Montoya wen sy laaste Grand Prix vir sy "ou" span in Brasilië aan die einde van die seisoen.

Vroeg in 2005 beseer Montoya sy skouer (verskeie bronne beweer in 'n tenniswedstryd, ander beweer op 'n motorfiets) en mis twee Grands Prix by sy nuwe McLaren-span. Montoya wen drie Grands Prix vir McLaren in sy eerste jaar (Brittanje, Italië en Brasilië).

Montoya se verhouding met die McLaren-span vorder nie juis goed nie, en nadat McLaren nie in 2006 sy kontrak hernu nie, verlaat Montoya McLaren en Formule Een in die helfte van die seisoen (na die VSA Grand Prix).

NASCAR

Montoya het kort na die 2006 VSA Grand Prix aangekondig dat hy na NASCAR gaan verskuif vir sy ou CART-span, Chip Ganassi Racing. Montoya het in sy eerste NASCAR-wedren 'n derde plek behaal.

Gemeenskap

Juan Montoya en sy vrou, Connie, doen verskeie welsynswerk in Colombië en in die res van die wêreld.

Loopbaanhoogtepunte

Juan Pablo Montoya in 2021

• Wen 1999 CART Kampioenskap vir Chip Ganassi Racing
• Wen 2000 Indianapolis 500 vir Chip Ganassi Racing
• Wen 2001 Italiaanse Grand Prix by Monza vir WilliamsF1-BMW
• Verbeter in 2002 die rekord vir die vinnigste rondte in die geskiedenis van Formule Een (gegrond op die hoogste gemiddelde spoed om die baan) by Monza
• Wen 2003 Monaco Grand Prix in Monte Carlo vir WilliamsF1-BMW
• Wen 2003 Duitse Grand Prix by Hockenheim vir WilliamsF1-BMW
• Wen 2004 Brasiliaanse Grand Prix by Interlagos vir WilliamsF1-BMW
• Wen 2005 Britse Grand Prix by Silverstone vir McLaren Mercedes
• Wen 2005 Italiaanse Grand Prix by Monza vir McLaren Mercedes
• Wen 2005 Brasiliaanse Grand Prix by Interlagos vir McLaren Mercedes

Formule Een-uitslae

(Renne in vetdruk toon voorwegspronge; renne in skuinsdruk toon vinnigste rondte aan)

Jaar	Span	Onderstel	Enjin	1	2	3	4	5	6	7	8	9	10	11	12	13	14	15	16	17	18	19	Plek	Punte
2001	BMW WilliamsF1-span	Williams FW23	BMW P81 3.0 V10	AUS Ret	MAL Ret	BRA Ret	SMR Ret	SPA 2	OOS Ret	MON Ret	KAN Ret	EUR 2	FRA Ret	GBR 4	DUI Ret	HON 8	BEL Ret	ITA 1	VSA Ret	JPN 2			6de	31
2002	BMW WilliamsF1-span	Williams FW24	BMW P82 3.0 V10	AUS 2	MAL 2	BRA 5	SMR 4	SPA 2	OOS 3	MON Ret	KAN Ret	EUR Ret	GBR 3	FRA 4	DUI 2	HON 11	BEL 3	ITA Ret	VSA 4	JPN 4			3de	50
2003	BMW WilliamsF1-span	Williams FW25	BMW P83 3.0 V10	AUS 2	MAL 12	BRA Ret	SMR 7	SPA 4	OOS Ret	MON 1	KAN 3	EUR 2	FRA 2	GBR 2	DUI 1	HON 3	ITA 2	VSA 6	JPN Ret				3de	82
2004	BMW WilliamsF1-span	Williams FW26	BMW P84 3.0 V10	AUS 5	MAL 2	BHR 13	SMR 3	SPA Ret	MON 4	EUR 8	KAN DSQ	VSA DSQ	FRA 8	GBR 5	DUI 5	HON 4	BEL Ret	ITA 5	CHN 5	JPN 7	BRA 1		5de	58
2005	West McLaren Mercedes	McLaren MP4-20	Mercedes FO 110R 3.0 V10	AUS 6	MAL 4	BHR	SMR	SPA 7	MON 5	EUR 7	KAN DSQ	VSA DNS	FRA Ret	GBR 1	DUI 2								4de	60
	McLaren Mercedes															HON Ret	TUR 3	ITA 1	BEL 14†	BRA 1	JPN Ret	CHN Ret
2006	McLaren Mercedes	McLaren MP4-21	Mercedes FO 108S 2.4 V8	BHR 5	MAL 4	AUS Ret	SMR 3	EUR Ret	SPA Ret	MON 2	GBR 6	KAN Ret	VSA Ret	FRA	DUI	HON	TUR	ITA	CHN	JPN	BRA		8ste	26
Bron:

Eksterne skakels

• Juan Pablo Montoya