Jukka

in Wikipedia, die vrye ensiklopedie

Jukka
Wetenskaplike klassifikasie
Koninkryk:
Divisie:
Klas:
Orde:
Familie:
Genus:
Spesie:
Y. gigantea
Binomiale naam
Yucca gigantea
Lem.
Sinonieme

Yucca roezlii Baker
Yucca mooreana Baker
Yucca mazelii W.Watson
Yucca lenneana Baker
Yucca guatemalensis Baker
Yucca ghiesbreghtii Baker
Yucca elephantipes var.gigantea
Yucca elephantipes var. ghiesbreghtii
Yucca elephantipes Regel ex Trel.
Yucca eleana W.Watson
Sarcoyucca elephantipes Linding.
Dracaena yuccoides Baker
Dracaena lennei Baker

Die jukka of Yucca gigantea (ook genoem die Yucca elephantipes, Yucca guatemalensis ens.)[1] is ’n spesie wat inheems is aan Belize, Costa Rica, El Salvador, Guatemala, Honduras, Nicaragua en die oostelike deel van Mexiko.[2]

Eienskappe[wysig | wysig bron]

Die blom van die jukka.

Die plante kan in gematigde streke gekweek word en kan selfs strawwe ryp verduur. Binnenshuise plante kan glad nie saad ontwikkel nie omdat die jukka net deur ’n sekere soort mot in hul natuurlike habitat bestuif kan word.

Hoewel dit tot 9 meter hoog en 4,5 meter breed kan word, is dit meestal sowat 6 meter hoog. Dit kan ’n dik, enkele stam hê, of verskeie stamme wat uit ’n dik basis loop wat soos ’n olifantpoot lyk.[3][4] Die blare is styf, puntig en tot 1,2 meter lank.

In die somer word wit blomme gevorm, gevolg deur bruin, vlesige vrugte wat ovaalvormig en tot 2,5 cm lank is.[3]

’n Paar kultivars is ontwikkel, soos:

  • Yucca gigantea 'Artola Gold' [5]
  • Yucca gigantea 'Jewel' [5]
  • Yucca gigantea 'Puck' [6]
  • Yucca gigantea 'Silver Star', ’n plant met gestreepte blare[5]

Gebruike[wysig | wysig bron]

Die blomme word as bestanddele in resepte gebruik vanweë hul bitter smaak. Die plante word dikwels as huisplante gekweek, en ook op koffieplase om gronderosie teen steil hange te voorkom.

Probleme[wysig | wysig bron]

As die onderste deel van die plant begin geel word, kry dit te min lig. Botrytis-swam en dopluise kan voorkom.[7]

Verwysings[wysig | wysig bron]

  1. World Checklist of Selected Plant Families, 291761.
  2. "Taxon: Yucca guatemalensis Baker". Germplasm Resources Information Network (GRIN). United States Department of Agriculture, Agricultural Research Service, Beltsville Area. Geargiveer vanaf die oorspronklike op 29 Augustus 2012. Besoek op 6 Februarie 2008.
  3. 3,0 3,1 Edward F. Gilman and Dennis G. Watson. "Yucca elephantipes" (PDF). Environmental Horticulture, Florida Cooperative Extension Service, Institute of Food and Agricultural Sciences, University of Florida. Besoek op 19 Februarie 2014.
  4. Eggli, Urs (2001). Illustrated handbook of succulent plants. Springer. p. 93. ISBN 978-3-540-41692-0. Besoek op 26 Februarie 2012.
  5. 5,0 5,1 5,2 "Yuccas" (in Engels). ABC. Geargiveer vanaf die oorspronklike op 4 Maart 2016. Besoek op 6 Februarie 2008.
  6. "Yucca". Royal Horticultural Society. Besoek op 6 Februarie 2008.
  7. Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0

Eksterne skakels[wysig | wysig bron]