Jurga Ivanauskaitė

in Wikipedia, die vrye ensiklopedie
Jurga Ivanauskaitė
Gebore14 November 1961
Sterf17 Februarie 2007 (op 45)
Vilnius, Litaue
NasionaliteitVlag van Litaue Litaue
BeroepSkrywer, essayis en kinderboekskrywer
Bekend virThe Day that Never Happened
Gone with the Dreams

Jurga Ivanauskaitė (* 14 November 1961 in Vilnius; † 17 Februarie 2007 in Vilnius) was 'n Litause skrywer, essayis, toneelskrywer, skilder en digter.[1]

Ivanauskaitė, wat grafiese ontwerp gestudeer het, het verskeie romans en twee kinderboeke met sprokies geskryf, asook essays en reisverhale in koerante gepubliseer. Haar werke is in Engels, Sweeds, Lets, Pools, Russies, Duits en ander tale vertaal.

Haar roman "Die Reënheks" vertel die verhaal van drie vroue in verskillende historiese tydperke wat aan tydgebonde onderdrukking blootgestel word en wie se liefde vir besondere mans onvervul moet bly. Die roman speel af in die moderne Vilnius kort ná die ontbinding van die Sowjetunie, in Jerusalem in die tyd van Jesus en in die Middeleeuse landelike Litaue. Haar kritiese benadering tot die Rooms-Katolieke geloof het vir Jurga Ivanauskaitė probleme in haar tuisland geskep. Die roman is intussen verfilm.

In haar latere lewe het Ivanaskautė, wat in 1994 'n besoek aan Indië gebring het, tot die boeddhisme aangetrokke gevoel en 'n aktivis vir Tibet geword. Drie van haar romans handel oor dié land.[2] Met haar roman Placebo het sy tematies weer na haar tuisland Litaue en die huidige tydperk teruggekeer.

Ivanauskaitė is in 2007 op die ouderdom van 45 jaar in haar geboortestad Vilnius aan kanker oorlede.

Werke wat in Engels verskyn het[wysig | wysig bron]

  • The Day that Never Happened (short story) in: Lithuania in Her Own Words : Anthology of Contemporary Lithuanian Wriring, Tyto Alba 1997, Vilnius.
  • Gone with the Dreams (excerpt from novel) in: The Earth Remains: An anthology of contemporary Lithuanian prose, Tyto Alba 2002, Vilnius.

Verwysings[wysig | wysig bron]

  1. "Lietuviškos knygos/Boeke uit Litaue: Jurga Ivanauskaitė". Geargiveer vanaf die oorspronklike op 13 Februarie 2007. Besoek op 27 Mei 2009.
  2. "www.dtv.de: Jurga Ivanauskaitė. Besoek op 25 April 2017". Geargiveer vanaf die oorspronklike op 18 Mei 2020. Besoek op 25 April 2017.

Eksterne skakels[wysig | wysig bron]