Kalaharitruffel

in Wikipedia, die vrye ensiklopedie
Jump to navigation Jump to search

Kalaharitruffel
Kalaharitrueffel.jpg
Wetenskaplike klassifikasie
Koninkryk:
Fungi
Divisie:
Ascomycota
Klas:
Orde:
Pezizales
Familie:
Genus:
Kalaharituber
Sinonieme
  • Terfezia pfeilii Henn. (1895)

Die Kalaharitruffel is 'n swamgenus in die familie Pezizaceae.[1] Dit is 'n monotipiese genus waarvan die enkele truffelagtige spesie, die Kalaharitruffel, in die Kalahariwoestyn voorkom, asook in ander dele van Suider-Afrika (naamlik Botswana, Namibië en Suid-Afrika).[2][3] In Namibië is die plaaslike naam vir die plant N'abbas.

Taksonomie[wysig | wysig bron]

Die swam is in 1895 vir die eerste keer wetenskaplik deur die Duitse mikoloog Paul Christoph Hennings as Terfezia pfeilii beskryf.[4] Dit is in 2005 deur James Trappe en Varda Kagan-Zur na sy eie geslag verskuif.[5]

Beskrywing[wysig | wysig bron]

Vrugtige liggame kan tot 12 cm in deursnee wees. Dit weeg ongeveer 200 gram, hoewel goeie reën (wat die gewig beïnvloed) dit twee keer soveel sal kan laat weeg.[6] Die vrugte groei naby die oppervlak, wat na reën 'n kraak op die grond veroorsaak.

Habitat[wysig | wysig bron]

Die Kalaharitruffel word in die Kalahariwoestyn gevind, asook in ander droë streke van Suid-Afrika, Angola, Botswana en Namibië. Dit kom voor in gronde met 'n pH van 5,5 tot 6,5, met 'n sandinhoud van 94%-97%, 'n klei-inhoud van 2%-5% en 'n slikinhoud van 1–4%.

Mikorrisiese verhoudinge met plante[wysig | wysig bron]

Dit is bekend dat die Kalaharitruffel 'n ektomikorrhizale verhouding met waatlemoen vorm, en vermoedelik het hy 'n aantal ander moontlike verwantskappe met ander plantspesies. Dit sluit in graansorghum, Eragrostis spp., Grewia flava, verskeie spesies acacia, en kweekgras

Eetbaarheid[wysig | wysig bron]

Die Kalaharitruffel word geëet deur meerkatte, hiënas, bobbejane en vlermuis-jakkalse, sowel as mense. Volgens 'n gevallestudie deur die Australiese Nasionale Botaniese Tuine word die vrugliggaam deur die Khoisan van die Kalahari geëet. Die kommersiële gebruik van die spesie kom soms voor.

Bewaring[wysig | wysig bron]

Die voorkoms van die Kalaharitruffel is vermoedelik besig om agteruit te gaan, met moontlike oorsake van oormatige oes, klimaatverandering of die landpraktyke wat in Kalaharitruffel-habitats gebruik word.

Verwysings[wysig | wysig bron]

  1. (en) Lumbsch TH, Huhndorf SM. (Desember 2007). “Outline of Ascomycota – 2007”. Myconet 13: 1–58.
  2. "Home – Kalaharituber pfeilii F3 v1.0". genome.jgi.doe.gov (in Engels). Geargiveer vanaf die oorspronklike op 25 Januarie 2018. Besoek op 29 Januarie 2017.
  3. Initiative, The Global Fungal Red List. "Kalaharituber pfeilii". iucn.ekoo.se (in Engels). Geargiveer vanaf die oorspronklike op 15 September 2019. Besoek op 26 Maart 2017.
  4. (en) Hennings, P. (1895). “Fungi camerunenses I”. Botanische Jahrbücher für Systematik, Pflanzengeschichte und Pflanzengeographie 22: 72–111.
  5. (en) (2005) “Phylogenetic studies of Terfezia pfeilii and Choiromyces echinulatus (Pezizales) support new genera for southern African truffles: Kalaharituber and Eremiomyces”. Mycological Research 109 (2): 237–245. doi:10.1017/S0953756204001789.
  6. "Desert truffles – Australia and the Kalahari". www.anbg.gov.au (in Engels). Australian National Botanical Gardens. Geargiveer vanaf die oorspronklike op 8 Augustus 2009. Besoek op 27 Januarie 2017.