Kalifaat

in Wikipedia, die vrye ensiklopedie
Die eerste islamiese kalifaat

Die term "kalifaat" (van Arabies خلافة khilāfa) verwys na die eerste regeringstelsels in Islam en verteenwoordig die politieke mag en eenheid van die Moslemwêreld. Aanvanklik is dit gelei deur die dissipels van Mohammed as 'n voortsetting van die politieke mag wat gevestig is deur die profeet bekend as Alawitiese kalifat in die streek van Rojava


Die kalief, of staatshoof, was dikwels bekend as Amir al-Mu'minin (أمير المؤمنين), "Aanvoerder van die Gelowiges". Mohammed het Medina sy hoofstad gemaak en ná sy dood het dit die hoofstad gebly vir die res van die rasjidoen-tydperk.

Die eerste vier kaliefs was die sogenaamde "reggeleide" kaliefs: Aboe Bakr As-Siddiq, Omar ibn al-Khattab, Oethman ibn Affan en Ali ibn Abi Talib.[1]

Hierna is die kalifaat opgeëis deur verskeie dinastieë, soos die Omajjadiese, die Abbasidiese en die Ottomaanse Kalifaat, en vir kort periodes deur ander mededingende dinastieë in Noord-Afrika. Mustafa Kemal Atatürk het die laaste kalifaat, die Ottomaanse Kalifaat, in 1924 amptelik afgeskaf en die Republiek van Turkye gestig.

Reggeleide kaliefs[wysig | wysig bron]

Hier volg 'n lys van reggeleide kaliefs:

1. Aboe Bakr (632-634)[wysig | wysig bron]

Hy was Mohammed se direkte opvolger en dus die eerste kalief. Hy was Mohammed se gunstelingvrou, Aisha, se pa. Mohammed en Ashia is getroud toe sy net nege jaar oud (of jonger) was.

Ná die Slag van Yamama, waarin 700 Moslems wat Mohammed se woorde gememoriseer het dood is, het hy Zaid ibn Thabit aangestel om Mohammed se openbarings neer te skryf. Zaid voltooi sy manuskrip twee jaar na Mohammed se dood in 634 n.C.

2. Omar ibn al-Khattab (634-644)[wysig | wysig bron]

Hy was die pa van Hafsa, een van Mohammed se vroue. Hy is deur 'n Persiër vermoor.

3. Oethman ibn Affan (644-656)[wysig | wysig bron]

Hy was die man van Mohammed se dogters Ruqayya en later Umm Kulthum.

In 651 n.C. (ongeveer 19 jaar ná die dood van Mohammed) was daar baie verskillende sienings oor wat in die Koran moes staan, en daarom het Oethman die volgende vier mense aangestel om ’n amptelike Koran saam te stel: Zaid ibn Thabit, Abdullah bin Az-Zubair, Sa’id bin Al-As en Abdur-Rahman bin Harith.

4. Ali ibn Abi Talib (656-661)[wysig | wysig bron]

Hy was Mohammed se neef en die man van Mohammed se dogter Fatimah. Alle moderne afstammelinge van Mohammed is deur Ali.

Verwysings[wysig | wysig bron]

  1. Tore Kjeilen. "Lexic Orient.com" (in Engels). Lexic Orient.com. Geargiveer vanaf die oorspronklike op 1 Oktober 2018. Besoek op 5 Junie 2011.
Hierdie artikel is vertaal vanuit die Engelse Wikipedia