Kaliumperchloraat

in Wikipedia, die vrye ensiklopedie
Eienskappe

Algemeen

Naam Kaliumperchloraat
Struktuurformule van
Struktuurformule van
Chemiese formule KClO4
Molêre massa 138,55 g/mol
CAS-nommer 7778-74-7
Fasegedrag  
Fase T<583 K  
Ruimtegroep Pnma 
Nommer 62  
Strukturbericht H0₂ 
Fase T>583 K  
Ruimtegroep F43m  
Strukturbericht H0₅
Smeltpunt Ontbind >400 °C
Kookpunt geen
Digtheid 2,52 (rel. water)[1]
Oplosbaarheid 1,5 g/100 g water @25 °C

Suur-basis eienskappe

pKa

Veiligheid

Flitspunt

Tensy anders vermeld is alle data vir standaardtemperatuur en -druk toestande.

 
Portaal Chemie

Kaliumperchloraat is 'n sout wat uit K+ en perchloraat-ione bestaan. Dit is die kaliumsout van perchloorsuur (HClO4).

Kaliumperchloraat het die laagste oplosbaarheid in water van die alkaliperchlorate.[2]

Kristalstruktuur[wysig | wysig bron]

Kaliumperchloraat ondergaan 'n eerste orde fase-oorgang by T=583K. Dit kan 'n histerese in die oorgangstemperatuur van 10 tot 40K hê, afhanklik van hoe vinnig dit afgekoel word en die digtheid verander ongeveer 10%. Die hoëtemperatuurfase het 'n kubiese struktuur wat van die haliet-tipe (B1) afgelei is. Dit is die argetipe van die H0₅ struktuur. [3] Aanvanklik is dit beskryf in ruimtegroep F43m T>573K met posisies

O1 16e 3m ¼¼¼
K2 4b 43m ½½½
Cl3 4a 43m 000

Later het dit duidelik geword dat die posisie van die tetraëdriese perchloraatioon statisties verdeel is en dat die simmetrie Fm3m is, net soos in die halietstruktuur. Dit beteken dat die gemiddelde struktuur 'n inversiepunt 1 besit wat 'n tetraëder ontbeer. Hierdie fase behoort tot 'n klas stowwe wat plastiese kristalle genoem word.

Daar is aanvanklik gedink dat in plastiese kristalle ione wat nie die vorm van 'n sfeer het nie, soos die tetraëdriese perchloraat hier, vry kan ronddraai, maar later het geblyk dat hulle statisties – maar wel staties – oor heelparty oriëntasies verdeel is.

Onder die oorgangstemperatuur vind 'n ordening van die perchloraatione plaas en die simmetrie word laer: ortorombies Pnma. Die tetraëdriese ione 'kies' nou vir net een bepaalde rangskikking.[4] Dit is die barietstruktuur. (H02 in die strukturbericht-klassifikasie)[5]

Daar is talle ander perchlorate en ook fluoroborate wat 'n vergelykbare struktuur het, insluitende die ordening. Natriumperchloraat het byvoorbeeld 'n oorgangstemperatuur van 581K en die Rb- en Cs-weergawes 545K en 495K.[6] Daar is ook minerale wat hierdie struktuur besit, soos avogadriet.

Verwysings[wysig | wysig bron]

  1. SciLab msds.
  2. Chemistry and toxicology of perchlorate. Kanadese regering.
  3. "High-temperature cubic KClO4". Aflow.
  4. A Raman spectroscopic study of the structural phase transition and reorientational motions of the ClO4 ions in KClO4 N. Toupry, H. Poulet, M. Le Postollec, R.M. Pick, M. Yvinec J. of Raman spectroscopy, 14(3) 1983, bls 166
  5. "Barite". Aflow.
  6. Optical studies on the orthorhombic-cubic transitions for KClO4, RbClO4 and CsClO4 G Raghurama, T A Al-Dhahir and H L Bhat, Journal of Physics C: Solid State Physics, 20(28)