Kenya Airways
| Kenia Airways | ||||
| ||||
| ||||
| Gestig | 22 Januarie 1977 | |||
|---|---|---|---|---|
| Eerste vlug | 4 Februarie 1977 | |||
| Bedryfsbasisse | Jomo Kenyatta Lughawe | |||
| Alliansie | SkyTeam | |||
| Vlootgrootte | 48 | |||
| Bestemmings | 65 | |||
| Slagspreuk | The Pride of Africa | |||
| Hoofkantoor | Embakasi, Nairobi | |||
| Sleutelpersone | Titus Naikuni (Hoofuitv. beampte) | |||
| Werknemers | 4 006 (Junie 2013) | |||
| Webtuiste | kenya-airways.com | |||
Kenia Airways is die vlagdraer-lugredery van Kenia.[1] Die maatskappy is in 1977 gestig ná die ontbinding van East African Airways. Die redery se hoofkantoor is in Embakasi, Nairobi geleë,[2] met sy spilpunt by Jomo Kenyatta Internasionale Lughawe.[3]
Die lugredery was 'n volfiliaal van die regering van Kenia tot in April 1995, waarna dit in 1996 geprivatiseer is, die eerste Afrika-vlagdraer om dit suksesvol te doen.[4] Kenia Airways is tans 'n openbare-private-vennootskap. Die grootste aandeelhouers is die regering van Kenia (29,8%) en KLM, wat 'n 26,73%-belang in die maatskappy hou. Die res van die aandele word deur private eienaars gehou; die aandele word op die Nairobi Effektebeurs, die Dar-es-Salaam Effektebeurs en die Ugandese Sekuriteitebeurs verhandel.[5][6]
Kenia Airways word as een van die voorste Sub-Sahara-operateurs beskou.[7] In Januarie 2013 beklee die redery die vierde posisie onder die top tien in Afrika volgens sitplekbesetting, na die Suid-Afrikaanse Lugdiens, Ethiopian Airlines en EgyptAir.[8] Die lugredery is 'n volle lid van "SkyTeam" sedert Junie 2010, en is ook 'n lid van die Afrika-lugrederyvereniging sedert 1977.[9][10] Die maatskappy het 4 006 werknemers in Junie 2013 gehad.
Verwysings[wysig | wysig bron]
- ↑ O'Keeffe, Niall (7 Augustus 2013). "Fire closes Nairobi's Jomo Kenyatta airport". Flightglobal.
Flag carrier Kenya Airways has confirmed that all flights from the airport have been cancelled until further notice.
- ↑ "Kenya Contact Details". Kenya Airways. Besoek op 1 Augustus 2012.
- ↑ "Kenya Airways". SkyTeam.
- ↑ Buyck, Cathy (1 November 2010). "Kenya Airways' Uplifting Mission". Air Transport World. Besoek op 2 Augustus 2012.
- ↑ Lacey, Marc (24 Junie 2003). "New Products for Sale in Africa: Company Shares". "The New York Times". Besoek op 19 April 2012.
- ↑ "Ethiopian Airlines distinguished with African Cargo Airline Award". "Sudan Tribune". 1 Maart 2011.
- ↑ "Kenya Airways and Ethiopian Airways compete for Nairobi and Addis hub power as Gulf carriers expand". Centre for Aviation. 21 Januarie 2013.
- ↑ "History". Kenya Airways. Besoek op 6 Desember 2011.
- ↑ "AFRAA Current Members". African Airlines Association. Besoek op 6 Desember 2011.
| Hierdie artikel is in sy geheel of gedeeltelik vanuit die Engelse Wikipedia vertaal. |
