Kepler-1625

in Wikipedia, die vrye ensiklopedie
Jump to navigation Jump to search
Kepler-1625
Sterrebeeld Swaan
Waarnemingsdata (Epog J2000)
Regte klimming 19h 41m 43.043s[1]
Deklinasie 39° 53′ 11.6″[1]
Skynmagnitude (m) 13,916[2]
Besonderhede
Massa (M) 1,079[3]
Radius (R) 1,793[3]
Ouderdom (jaar) 4,36 miljard[2]
Temperatuur (K) 5 548[3]
Afstand (ligjaar) 7 000 - 8 000
Metaalinhoud [Fe/H] +0,12[3]
Ander name
KIC 4760478, KOI 5084, 2MASS J19414304+3953115
Portaal  Portaalicoon   Sterrekunde

Kepler-1625 is ’n sonagtige ster met ’n skynbare magnitude van sowat 14 in die sterrebeeld Swaan, sowat 7 000 - 8 000 ligjare van die Aarde af. Sy radius is net minder as 80% van die Son s’n en sy massa sowat 8% groter as die Son s'n. In 2016 is ontdek ’n eksoplaneet, Kepler-1625b, wentel om die ster: Dit is ’n gasreus in die ster se bewoonbare sone. In 2018 is berig die eksoplaneet het dalk ’n eksomaan, Kepler-1625b I.[4] Dié moontlikheid sal op 29 Oktober 2018 bevestig word met die planeet se volgende oorgang voor sy ster.

Eienskappe[wysig | wysig bron]

Kepler-1625 is ’n taamlik groot ster soortgelyk aan die Son. Sy radius is 1,79 keer die Son s’n, maar sy massa is net sowat 1,079 sonmassas.[3] Sy temperatuur is sowat 5 548 K, effens koeler as die Son.[3] Dié parameters dui daarop dat Kepler-1625 ’n geel subreus naby die einde van sy bestaan kan wees. Die ster het ’n hoë metaalinhoud van +0,12 dex (in vergelyking met die Son s’n van 0,00) en is meer as 3 900 ligjare van hier.[3]

Daar is ook ’n sekondêre model vir die grootte van Kepler-1625: sowat 0,94 sonradiusse en 0,96 sonmassas, met ’n temperatuur van 5 677 K en dieselfde metaalinhoud as die Son.[2]

Planetêre stelsel[wysig | wysig bron]

Die Kepler-1625-stelsel[2] [3]
Planeet
(vanaf ster)
Massa Semi-hoofas
(AE)
Wentelperiode
(dae)
Eksentrisiteit Baanhelling
(°)
Radius
b ~3 000 M 0,811-0,8748 287,3789±0,0030 89,97±0,02 6-12 R

Die ster het een bevestigde planeet. Dit is effens groter as Jupiter en wentel een keer in 287,3 aarddae om sy ster. As die kleiner raming van die ster se grootte reg is, is Kepler-1625b egter ’n gasplaneet van 6 aardradiusse wat in die ster se bewoonbare sone voorkom.[3]

Moontlike eksomaan[wysig | wysig bron]

Die ligkurwes van die drie waargenome oorgange dui op die bestaan van ’n eksomaan so groot soos Neptunus wat om die planeet wentel. Nog waarnemings is nodig om die bestaan van die maan te bevestig of uit te skakel. Tydens die volgende oorgang van die planeet voor sy ster op 29 Oktober 2018 sal die Hubble-ruimteteleskoop die ster waarneem.[4]

Die relatiewe grootte en afstand van Kepler-1625b en sy maan, Kepler-1625b I. (Die planete Jupiter en Neptunus word gebruik vir vergelyking).
Die relatiewe grootte en afstand van Kepler-1625b en sy maan, Kepler-1625b I. (Die planete Jupiter en Neptunus word gebruik vir vergelyking).

Verwysings[wysig | wysig bron]

  1. 1,0 1,1 (2003) “VizieR Online Data Catalog: 2MASS All-Sky Catalog of Point Sources (Cutri+ 2003)”. VizieR On-line Data Catalog: II/246. Oorspronklik gepubliseer in: 2003yCat.2246....0C 2246.
  2. 2,0 2,1 2,2 2,3 NASA Exoplanet archive”. URL besoek op 2017-07-28.
  3. 3,0 3,1 3,2 3,3 3,4 3,5 3,6 3,7 3,8 (2017) “Revised Stellar Properties of Kepler Targets for the Q1-17 (DR25) Transit Detection Run”. The Astrophysical Journal Supplement Series 229 (2): 30. doi:10.3847/1538-4365/229/2/30.
  4. 4,0 4,1 (2018) “HEK VI: On the Dearth of Galilean Analogs in Kepler and the Exomoon Candidate Kepler-1625b I”. The Astronomical Journal 155 (1). doi:10.3847/1538-3881/aa93f2.

Eksterne skakels[wysig | wysig bron]

Koördinate: Sky map 19h 41m 43.04s, +39° 53′ 11.6″