2MASS

2MASS is die mees ambisieuse projek tot dusver om hemelliggame waar te neem en te kategoriseer. Waarnemings vir die Two Micron All-Sky Survey^[1] het in 1997 begin en is in 2001 voltooi.^[2]

Twee teleskope is gebruik, een in die Noordelike Halfrond (in Arizona) en een in die Suidelike Halfrond (in Chili) sodat die hele hemelruim gedek kon word. Die finale data van 2MASS is in 2003 gepubliseer. ’n Fotometriese stelsel van drie infrarooi-golfbande van sowat 2 mikrometer ( $\mu$ m) is gebruik: J (1,25 $\mu$ m), H (1,65 $\mu$ m) en K_s (2,17 $\mu$ m).

Die doel van die opname was onder meer:

Die waarneming van sterrestelsels in die deel van die lug wat in sigbare lig deur ons eie stelsel, die Melkweg, verberg word.
Die eerste waarneming van bruindwergsterre soos 2MASS 0939-2448, 2MASS 0415-0935, 2M1207 en 2MASS J04414489+2301513. Soos in 2003 het 2MASS altesaam 173 bruindwerge ontdek.^[3]
’n Uitgebreide opname van sterre met ’n klein massa, die mees algemene soort ster in sowel die Melkweg as ander sterrestelsels.
Die katalogisering van alle waargenome sterre en stelsels.

Die laaste doel is uitstekend behaal. Numeriese beskrywings van alle puntbronne (sterre, planete, asteroïede) en uitgebreide bronne (sterrestelsels, nebulae) tot ’n gemiddelde magnitude van 14 is deur geoutomatiseerde rekenaarprogramme gekategoriseer. Meer as 300 miljoen puntbronne en 1 miljoen uitgebreide bronne is aangeteken. In November 2003 het ’n span wetenskaplikes die ontdekking van die Canis Major-dwergsterrestelsel aangekondig gebaseer op die ontleding van 2MASS-data. Dit was in daardie stadium die naaste bekende sterrestelsel aan die Melkweg.

Die data en beelde van die opname is tans in die publieke domein en kan deur enigiemand gratis aanlyn besigtig word.^[4]

2MASS- bruin- en witdwerge binne 30 ligjare van die Aarde af sluit in:

Voorwerp	Tipe	Lig- jare	Spektraal- tipe	Sterrebeeld	Regte klimming	Deklinasie
2MASS 0036+1821	bruindwerg	29	L3.5	Visse	00^h 36^m 16.17^s	18° 21′ 10.4″
2MASS 0415-0935	bruindwerg	18	T8V	Eridanus	04^h 15^m 19.54^s	-09° 35′ 06.6″
2MASS 0727+1710	bruindwerg	28	T7	Tweeling	07^h 27^m 18.24^s	17° 10′ 01.2″
2MASS 0937+2931	bruindwerg	20	T6	Leeu	09^h 37^m 34.9^s	29° 31′ 41″
2MASS 0939-2448	bruindwerg	17	T8	Lugpomp	09^h 39^m 35.48^s	-24° 48′ 27.9″
2MASS 1114–2618	bruindwerg	18	T7.5	Noordelike Waterslang	11^h 14^m 51.337^s	-26° 18′ 23.56″
2MASS 1507–1627	bruindwerg	24	L5	Weegskaal	15^h 07^m 47.69^s	-16° 27′ 38.6″
2MASS 1835+3259	bruindwerg	18	M8.5	Lier	18^h 35^m 37.902^s	32° 59′ 54.59″
Gliese 293	witdwerg	26	DC8.8	Vlieënde Vis	07^h 53^m 08.15^s	-67° 47′ 31.4″
Gliese 440	witdwerg	15	DQ6	Vlieg	11^h 45^m 42.9205^s	-64° 50′ 29.459″
Gliese 518	witdwerg	27	DZ10.0	Maagd	13^h 36^m 31.81^s	03° 40′ 45″
Gliese 915	witdwerg	27	DAP5.8	Feniks	00^h 02^m 10.766^s	-43° 09′ 56.02″
GJ 1087	witdwerg	26	DAP8.9	Jagter	05^h 56^m 25.47^s	05° 21′ 48.6″
GJ 1221	witdwerg	20	DQP9.0	Draak	17^h 48^m 08.17^s	70° 52′ 35.3″
GJ 1289	rooidwerg	26	M4.0V	Andromeda	23^h 43^m 06.289^s	36° 32′ 13.24″
Van Maanen se Ster	witdwerg	14	DZ8	Visse	00^h 49^m 09.90175^s	05° 23′ 19.0117″

Verwysings

↑ "About 2MASS (A Brief Explanation of 2MASS)" (in Engels). University of Massachusetts, Infrared Processing and Analysis Center (JPL/ Caltech), NASA, NSF. 1 Februarie 2006. Geargiveer vanaf die oorspronklike op 8 September 2018. Besoek op 21 September 2008.
↑ "Two Micron All Sky Survey (2MASS)" (in Engels). NASA/IPAC Infrared Science Archive. Geargiveer vanaf die oorspronklike op 2 November 2019. Besoek op 22 Oktober 2011.
↑ Kirkpatrick (2003). "2MASS Data Mining and the M, L, and T Dwarf Archives" (PDF). IAU Symposium Vol. 211 ("Brown Dwarfs"). 211. arXiv:astro-ph/0207672v1. Bibcode:2003IAUS..211..189K. Geargiveer vanaf die oorspronklike (PDF) op 20 Augustus 2020. Besoek op 12 Maart 2013.
↑ "2MASS Data Access" (in Engels). The Two Micron All Sky Survey at IPAC. 20 Desember 2006. Geargiveer vanaf die oorspronklike op 14 Januarie 2018. Besoek op 2 September 2012.

Eksterne skakels

2MASS by IPAC
2MASS by UMass Geargiveer 9 Mei 2008 op Wayback Machine

[about-1] "About 2MASS (A Brief Explanation of 2MASS)" (in Engels). University of Massachusetts, Infrared Processing and Analysis Center (JPL/ Caltech), NASA, NSF. 1 Februarie 2006. Geargiveer vanaf die oorspronklike op 8 September 2018. Besoek op 21 September 2008.

[archive-2] "Two Micron All Sky Survey (2MASS)" (in Engels). NASA/IPAC Infrared Science Archive. Geargiveer vanaf die oorspronklike op 2 November 2019. Besoek op 22 Oktober 2011.

[Kirkpatrick2003-3] Kirkpatrick (2003). "2MASS Data Mining and the M, L, and T Dwarf Archives" (PDF). IAU Symposium Vol. 211 ("Brown Dwarfs"). 211. arXiv:astro-ph/0207672v1. Bibcode:2003IAUS..211..189K. Geargiveer vanaf die oorspronklike (PDF) op 20 Augustus 2020. Besoek op 12 Maart 2013.

[4] "2MASS Data Access" (in Engels). The Two Micron All Sky Survey at IPAC. 20 Desember 2006. Geargiveer vanaf die oorspronklike op 14 Januarie 2018. Besoek op 2 September 2012.

[1]

[2]

[3]

[4]