Kieswyk

in Wikipedia, die vrye ensiklopedie
Spring na: navigasie, soek

'n Kieswyk is 'n plaaslike, afgebakende gebied, wat gewoonlik gebruik word vir verkiesingsdoeleindes. Kieswyke is gewoonlik vernoem na woonbuurte, strate, gemeenskappe, landmerke, geografiese kenmerke en in sommige gevalle historiese figure, wat tot die gebied verbind is. In die Verenigde State van Amerika is kieswyke net genommer.

In Australië, Kanada, Monaco, Nieu-Seeland, Suid-Afrika, die Verenigde Koninkryk en die Verenigde State van Amerika is kieswyke 'n verkiesingsdistrik binne 'n distrik  of munisipaliteit. Kieswyke word gewoonlik gebruik tydens plaaslike verkiesings. In die Verenigde State van Amerika is kieswyke gewoonlik onderverdeel in stembusgebiede.

In die Republiek van Ierland is stedelike kieswyke (wards) en landelike distrikverkiesingsafdelings (District Electoral Divisions) in 1994 herdoop in verkiesingsafdelings (Electoral Divisions).[1] Die verkiesingsdistrikte by plaaslike verkiesings is egter gewoonlik algemeen bekend as kieswyke. Die verkiesingsdistrikte bestaan uit verskeie verkiesingsafdelings en is amptelik bekend as plaaslike verkiesingsgebiede (local electoral areas).[2] In die geval van 'n munisipale samesmelting word na die voormalige stede en dorpe wat die nuwe metropool vorm verwys as wyke.

Voorbeelde[wysig | wysig bron]

  • In sekere stede in Indië, soos Mumbai en Delhi is 'n wyk is 'n administratiewe eenheid van die stad. Stedelike gebiede is verdeel in sones, wat op sy beurt talle wyke bevat.[3][4]
  • In Japan is 'n wyk (ku in Japannees) 'n administratiewe eenheid in groter stede.
  • In Viëtnam, 'n wyk (phường) is 'n administratiewe subeenheid van middestede (quận).
  • 'n Wyk in Nepal is 'n politieke gebied. Nege wyke vorm tesame 'n dorpsontwikkelingskomitee. Hierdie dorpskontwikkelingskomitees vorm 'n distrikt; distrikte vorm 'n streek, en streke vorm tesame die land.
  • In dele van die noorde van Engeland was 'n wyk 'n onderverdeling van 'n streek.
  • In Nederland is 'n wyk (wijk) 'n groter woonbuurt, buitewyk of voorstad.

Sien ook[wysig | wysig bron]

Bronne[wysig | wysig bron]

Kruis-Wikipedia[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]