Kikuyu (volk)

in Wikipedia, die vrye ensiklopedie
Jump to navigation Jump to search
Kikuyu/Gikuyu
Kikuyu woman traditional dress.jpg
'n Kikuyu-vrou met 'n in wit en rooi geverfde gesig, en verskeie halssnoere met dopkrale.
Totale bevolking: ca. 6,6 miljoen
Belangrike bevolkings  in: Vlag van Kenia Kenia 6 622 576 (2009-sensus)
Taal: Kikuyu, Swahili, Engels
Geloofsoortuiging: Christendom, tradisionele godsdiens
Verwante etniese groepe: Embu, Meru, Mbeere, Kamba, Sonjo en ander Bantoevolke

Die Kikuyu of Gikuyu (Kikuyu: Gĩkũyũ) is die grootste etniese groep in Kenia. Volgens die nasionale sensus van 2009 leef sowat 6,6 miljoen Kikuyu in Kenia, sowat 17% van dié land se bevolking.[1] Hulle praat Kikuyu, 'n Bantoetaal binne die Niger-Kongo-taalfamilie, as moedertaal, maar ook Swahili en Engels, die twee amptelike tale van Kenia, as lingua franca.

'n tradisionele Kikuyu-hut naby Nairobi, Kenia

Die term Kikuyu is die Swahili-woord van die volk se eienaam Gĩkũyũ. Gĩkũyũ beteken "groot wildevyeboom" (mũkũyũ)" en Agĩkũyũ "kinders van die groot wildevyeboom". Die alternatiewe benaming Nyũmba ya Mũmbi beteken "Huis van die Pottebakker of Skepper".[2] In die 1950's het hulle die stryd om onafhanklikheid teen die Britse koloniale mag aangevoer en vir baie jare groot sektore van die ekonomie en die politiek van die onafhanklike Kenia gedomineer, wat dikwels in die afgelope dekades tot konflikte met ander etniese groepe gelei het. Een van die bekendste Kikuyu is Jomo Kenyatta, die eerste president van Kenia, wat as die "vader" van die moderne en onafhanklike Kenia beskou word.

Verwysings[wysig | wysig bron]

  1. 2009 Population & Housing Census, Wayback Machine. Staatsdepartement vir Beplanning [1], geargiveer op 10 Augustus 2013
  2. (en) Gikuyu Origins | Gikuyu Architecture”. Mukuyu.wordpress.com: 13 November 2008. URL besoek op 21 September 2018.

Eksterne skakels[wysig | wysig bron]