Kode van Ur-Nammu

in Wikipedia, die vrye ensiklopedie
Jump to navigation Jump to search
Kode van Ur-Nammu
Die eerste bekende weergawe van die kode.
Die eerste bekende weergawe van die kode.
Datum geskep c. 2100-2050 v.C.
Bewaarplek Istanboelse Argeologiese Museums
Skrywer Ur-Nammu
Doel Regskode

Die Kode van Ur-Nammu is die oudste regskode wat sover bekend bewaar gebly het. Dit is uit Mesopotamië en is omstreeks 2100-2050 v.C. in Sumeries op tablette geskryf.

Ontdekking[wysig | wysig bron]

Die eerste eksemplaar, wat in twee fragmente in Nippur ontdek is, is in 1952 vertaal. Hulle word in die Istanboelse Argeologiese Museums bewaar. Weens die swak kondisie van die tablette was net die voorwoord en vyf wette leesbaar.[1]

Nog tablette is in Ur ontdek en in 1965 vertaal; sowat 30 van die 57 wette is ontsyfer.[2] Nog ’n eksemplaar is in Sippar ontdek met effens ander weergawes van die wette.[3]

Agtergrond[wysig | wysig bron]

Ur-Nammu (sitende) op die afdruk van ’n silinderseël, omstreeks 2100 v.C.

Die voorwoord skryf die wette toe aan koning Ur-Nammu van Ur (2112-2095 v.C.). Daar word nog effens gedebatteer oor die persoon wat die wette neergeskryf het. Sommige geleerdes meen dit was Ur-Nammu se seun Shulgi.[4]

Hoewel vroeëre regskodes bekend is, soos die kode van Urukagina, is dié kode die vroegste bestaande regsdokument. Dit is drie eeue ouer as die Kode van Hammurabi. Die wette is gerangskik in ’n vorm van misdaad en dan straf – ’n patroon wat in feitlik alle regskodes daarna gevolg is. As iemand liggaamlike leed aangedoen is, moes die oortreder ’n boete betaal. Vir moord, roof, owerspel en verkragting is die doodstraf egter opgelê.

Die kode onthul ook die struktuur van die gemeenskap tydens die "Sumeriese renaissance". Onder die lugal ("groot man" of koning), was daar twee basiese strata: die vry persone en die slawe.

Verwysings[wysig | wysig bron]

  1. Kramer, History begins at Sumer, pp. 52–55.
  2. Gurney en Kramer, "Two Fragments of Sumerian Laws," 16 Assyriological Studies, pp. 13–19
  3. Frayne, Ur III Period (2112–2004 B C)" University of Toronto Press, 1997 – Foreign Language Study – 489 ble.
  4. Potts, D. T. (1999). The Archaeology of Elam. Cambridge University Press. p. 132. ISBN 9780521564960.

Skakels[wysig | wysig bron]