Koninklijke Bibliotheek
Die Koninklijke Bibliotheek (KB), of Royal Library of the Netherlands, is die nasionale biblioteek van Nederland. Dit is in 1798 gestig en is in Den Haag gesetel.[1][2]
Die KB versamel alle inligting wat oor Nederland gepubliseer word en op dié land betrekking het, van Middeleeuse letterkunde tot hedendaagse publikasies. Sowat 7 miljoen publikasies word geberg, onder meer boeke, koerante, tydskrifte en kaarte. Dit lewer ook baie digitale dienste, soos die aanlynbiblioteek (met e-boeke en oudioboeke) en Delpher (miljoene gedigitaliseerde bladsye). Sedert 2015 speel die KB ’n koördinerende rol vir die netwerk van die openbare biblioteek.[3]
Verwysings
[wysig | wysig bron]- ↑ "Koninklijke Bibliotheek / Royal Library of the Netherlands". The Conference of European National Librarians (CENL) (in Engels). Geargiveer vanaf die oorspronklike op 7 Junie 2020. Besoek op 23 Mei 2020.
- ↑ "Dutch Royal Library | library, Den Haag, Nederland". Encyclopedia Britannica (in Engels). Besoek op 23 Mei 2020.
- ↑ "The National Library of the Netherlands - Digital Preservation (Library of Congress)". www.digitalpreservation.gov. Besoek op 23 Mei 2020.