Konstanz

in Wikipedia, die vrye ensiklopedie

Konstanz

Kaart Wapen
Vlag
 Land Vlag van Duitsland Duitsland
 Deelstaat Baden-Württemberg
 Koördinate 47°40′N 9°11′O / 47.667°N 9.183°O / 47.667; 9.183
 Stigting Omstreeks 300 n.C.
 Stadstatus 1192 Vrye Ryksstad
 Oppervlakte:  
 - Totaal 55,65 vk km
 Hoogte bo seevlak 405 m
 Bevolking:  
 - Totaal (31 Desember 2012) 79 645
 - Bevolkingsdigtheid 1 431/vk km
 Tydsone UTC +1 (MET)
 - Somertyd UTC +2
 Klimaat  
 - Tipe Gematigde klimaat
 - Gemiddelde jaarlikse temperatuur 8,9 °C
 - Gem. temp. Januarie/Julie -0,2 / 18,5 °C
 - Gemiddelde jaarlikse neerslae 850,5 mm
 Burgemeester Ulrich Burchardt (CDU)
 Amptelike Webwerf www.konstanz.de Geargiveer 7 September 2014 op Wayback Machine
Kaart van die Bodenmeer met Konstanz

Konstanz (plaaslik [ˈkɔnʃtants], Standaardduits [ˈkɔnstants], Frans en somtyds in Engels: Constance) is die grootste stad aan die Bodenmeer en die administratiewe sentrum van die gelyknamige distrik in die Duitse deelstaat Baden-Württemberg. Die geskiedenis van die stad strek terug tot in die Romeinse tydperk. Net suid van Konstanz lê sy Switserse tweelingstad Kreuzlingen.

Konstanz, wat aan die suidoewer van die Bodenmeer geleë is, het sy oorsprong in 'n Romeinse fort, Constanta, wat omstreeks 260 n.C. ontstaan het. Die stad was vanaf die 6de eeu tot en met 1821 die setel van 'n Rooms-Katolieke biskop. In 1192 het Konstanz die status van Vrye Ryksstad in die Heilige Romeinse Ryk gekry. Tussen 1414 en 1418 is die Konsilie van Konstanz hier gehou.

Baie van die geboue in Konstanz se Middeleeuse stadskern het tot vandag toe bewaar gebly, waaronder die Domkerk van Konstanz in die Romaans-Gotiese styl wat tussen die 10de en 17de eeu ontstaan het.

Inligtingstegnologie, farmaseutiese nywerhede, masjienbou en toerisme vorm die ekonomiese basis van die stad. Konstanz beskik daarnaas oor twee tersiêre onderwysinstellings, die Universiteit van Konstanz (gestig in 1966) en die Technikon Konstanz vir Tegniek, Ekonomie en Ontwerp (Duits: Hochschule Konstanz Technik, Wirtschaft und Gestaltung), asook 'n aantal musea. 'n Wetenskaplike instituut, die Bodenseeforschungsinstitut, doen navorsing oor die Bodenmeer.