Kotelni-eiland
| Kotelni-eiland Inheemse naam: Остров Котельный / Олгуйдаах Aрыы | |
|---|---|
 Nasa-Satellietbeeld van Kotelni-eiland | |
| Geografie | |
| |
| Ligging | Noord-Rusland, Arktiese Oseaan |
| Koördinate | 75°20′N 141°00′O / 75.333°N 141.000°O |
| Argipel | Nieu-Siberiese Eilande
|
| Oppervlakte | 23 165 vk km |
| Hoogste punt | Malakatyn-Tas 361 m |
| Administrasie | |
 Rusland
| |
| Federale distrik | Verre Oosterse |
| Republiek |  Sacha (Jakoetië)
|
| Demografie | |
| Bevolking | 2
|
| Die wêreld se 47ste grootste eiland en die vierde grootste eiland van Rusland | |
Kotelni-eiland (Russies: Остров Котельный; Jakoeties: Олгуйдаах Aрыы, Olguydaax Arııta), die wêreld se 47ste grootste eiland en die vierde grootste eiland van Rusland na Sachalin, Sewerni-eiland en Joezjni-eiland, beslaan 'n oppervlakte van 23 165 km². Die eiland is in die noorde van Rusland in die Arktiese Oseaan geleë en behoort administratief tot die Republiek Sacha (Jakoetië) van die Verre Oosterse Federale Distrik. Kotelni-eiland grens in die weste aan die Laptefsee en in die ooste aan die Oos-Siberiese See. Kotelni-eiland behoort tot die Anzjoe-eilande, 'n subgroep van die Nieu-Siberiese Eilande en is die grootste eiland van dié eilandgroep.
Van die totale oppervlakte beslaan die eintlike Kotelni-eiland 11 665 km² en die naburige Faddejefski-eiland 5 300 km². Albei lande het na jaarduisende se sandvoeding saamgegroei, waardeur 'n landbrug van sowat 6 200 km² ontstaan het – Boengeland (Земля Бунге) genoem. Boengeland, wat 'n maksimumhoogte van net 8 m bereik, word soms oorstroom, waardeur die hoofeiland en Faddejefski van mekaar geskei word. Boengeland is na die Duits-Balties-Russiese botanikus, ontdekkingsreisiger en geneeskundige van Sweedse afkoms, Alexander von Bunge, genoem.
Eksterne skakels
[wysig | wysig bron]
Wikimedia Commons het meer media in die kategorie Kotelni-eiland.
