Sachalin

Sachalin Inheemse naam: Сахалин 樺太島
Kaart van Sachalin-eiland
Geografie
Ligging	Rusland, See van Ochotsk
Koördinate	51°N 143°O
Argipel	Sachalin
Oppervlakte	72 492 vk km
Hoogste punt	Lopatin 1 609 m
Administrasie
Rusland
Oblast	Sachalin
Hoofstad	Joezjno-Sachalinsk
Grootste stad	Joezjno-Sachalinsk (174 203)
Demografie
Bevolking	497 973
Bevolkingsgroepe	Russe, Koreane, Ainoe
Grootste eiland van Rusland

Sachalin (Russies: Сахалин, [səxɐˈlʲin]; Japannees: 樺太島, Karafuto-tō) is ’n groot eiland in die noordelike Stille Oseaan. Dit is Rusland se grootste eiland en vorm saam met die Koerile die federale deelgebied Sachalin-oblast. Die eiland skei die See van Japan in die suidweste van die See van Ochotsk in die noordooste.

Nasa-Satellietbeeld van Sachalin

Die ligging van Sachalin-eiland in Rusland

Die eiland, wat omtrent ’n vyfde van Japan se grootte is, is in die Russiese Verre-Ooste geleë, aan die ooskus van Rusland en net noord van die Japanse eiland Hokkaido. Dit het ’n oppervlakte van 72 492 km² en het 'n bevolking van sowat 498 000. Die grootste stad is die hoofstad van die oblast, Joezjno-Sachalinsk.

Rusland en Japan het albei in die loop van die 19de en 20ste eeu aanspraak op die eiland gemaak en dit was die rede vir bitter struwelinge tussen die twee lande. Japan het die suidelike deel van die eiland van 1905 tot 1945 beheer.

Verdere leesstof

• ’n Reis na Sachalin (1895), deur Anton Tsjechof

Eksterne skakels

• The Sakhalin Times Engelse weekblad
• Sachalin-streeksmuseum
• Foto's van Sachalin by Panoramio.com
• Wikimedia Commons het meer media in die kategorie Sachalin.
• (en) Toerisme-inligting oor Sachalin op Wikivoyage
• Hierdie artikel is vertaal uit die Engelse Wikipedia