Sewerni-eiland

in Wikipedia, die vrye ensiklopedie
Jump to navigation Jump to search
Sewerni-eiland
Inheemse naam: о́стров Се́верный
Nasa-Satellietbeeld van Sewerni-eiland
Nasa-Satellietbeeld van Sewerni-eiland
Geografie

Ligging Noord-Rusland, Arktiese Oseaan
Koördinate 75°30′N 60°00′O / 75.500°N 60.000°O / 75.500; 60.000Koördinate: 75°30′N 60°00′O / 75.500°N 60.000°O / 75.500; 60.000
Argipel Nowaja Zemlja

Oppervlakte 48 904 vk km
Hoogste punt Pik Sedowa 1 547 m
Administrasie
Vlag van Rusland Rusland
Federale distrik Noordwestelike
Oblast Flag of Arkhangelsk Oblast.svg Archangelsk

Demografie
Bevolking 0

Die wêreld se 30ste grootste eiland en die tweede grootste eiland van Rusland

Sewerni-eiland (Russies: Се́верный о́стров, letterlik: "Noordeiland"), die wêreld se 30ste grootste eiland en die tweede grootste eiland van Rusland na Sachalin, beslaan 'n oppervlakte van 48 904 km². Dit is die vierde grootste eiland van Europa na Groot-Brittanje, Ysland en Ierland. Die eiland is in die noorde van Rusland in die Arktiese Oseaan geleë en behoort administratief tot die Archangelsk-oblast van die Noordwestelike Federale Distrik. Sewerni-eiland grens in die weste aan die Barentssee en in die ooste aan die Karasee. Sewerni-eiland is die noordelike van Nowaja Zemlja se twee eilande en net suid is Joezjni-eiland, die "Suideiland", geleë. Hulle word geskei deur 'n smal seestraat van 2–3 km wat Matotsjkin Sjar genoem word. Verder noord is die eilandgroep Franz Josef-land geleë. Die eiland is onbewoon en amper die hele jaar met ys bedek. Die noordoostelike punt van Sewerni-eiland, Flissingskij Mis (Vlissingse Kaap), is die oostelikste punt van Europa.

Ligging van Sewerni-eiland

As gevolg van sy noordelike ligging is Sewerni-eiland grootliks met ys bedek. Met 'n oppvervlakte van sowat 19 800 km² is dit na Antarktika en Groenland die grootste met ys bedekte gebied. Daarbenewens beslaan kleiner gletsers 'n gebied van 3 900 km². Die ys is tot 400 m dik; die meeste gletsers eindig in die see uit en vorm ysberge.

Sewerni-eiland is voorheen deur Nenetse bevolk, maar voor die Sowjetse kerntoetse is die hele bevolking ontruim.