Kurt Cobain

in Wikipedia, die vrye ensiklopedie
Spring na: navigasie, soek
Kurt Cobain
Nirvana around 1992.jpg
Cobain tydens die MTV Video Music Awards in 1992.
Geboortenaam Kurt Donald Cobain
Geboorte 20 Februarie 1967
Aberdeen, Washington
Afsterwe 5 April 1994
Seattle, Washington
Beroep(e) Musikant
Genre(s) Pop- en rockmusiek
Aktiewe jare 1982–1994
Portal.svg Musiekportaal

Kurt Cobain (1967–1994) was ’n Amerikaanse sanger en liedjieskrywer van die groep Nirvana, wat ’n nuwe rockmusiekstyl bekend as grunge ontwikkel het.[1] Dié musiek was veral in die vroeë 1990's gewild gewees. Hy is ook as die stem van Generasie X beskryf.[2] Cobain was met die sangeres-aktrise Courtney Love getroud en het in 1994 op 27 selfmoord gepleeg.

Lewensloop[wysig | wysig bron]

Kurt Donald Cobain is op 20 Februarie 1967 in Aberdeen, Washington gebore. Sy ouers skei toe hy 7 was. Vanaf sy tweede jaar op hoërskool het hy saam met sy ma begin gewoon. Aan die einde van 1986 het hy in 'n woonstel ingetrek. Hy het gereeld na Olympia gereis om rockkonserte by te woon.

Cobain het Courtney Love in 1990 ontmoet. Hulle trou in 1992 in Hawaii nadat sy met sy kind, Frances Bean Cobain, swanger geword het.

Hy is met aandaggebrek-hiperaktiwiteitsteuring en bipolêre gemoedsteuring gediagnoseer en het reeds in sy tienerjare dwelms begin gebruik. Hy het ook kroniese brongitis gehad en het probeer om sy ongediagnoseerde maagtoestand met dwelms te behandel. Later in sy loopbaan is hy verskeie kere vir sy verslawing in inrigtings opgeneem. Die laaste keer het hy na sy huis ontsnap. Hy het selfmoord gepleeg deur 'n oordosis heroïen te neem en homself met 'n geweer te skiet.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Azerrad, Michael. "Inside the Heart and Mind of Nirvana". Rolling Stone. 16 April 1992.

Eksterne skakels[wysig | wysig bron]