Lakewood, Kalifornië

in Wikipedia, die vrye ensiklopedie
Jump to navigation Jump to search
City of Lakewood
Lakewood se stadsaal
Lakewood se stadsaal
Ligging in LA County en Kalifornië
Ligging in LA County en Kalifornië
Land Vlag van Verenigde State van Amerika Verenigde State van Amerika
Deelstaat Kalifornië
County Los Angeles County
Geïnkorporeer op 16 April 1954
Regering
 - Burgemeester Jeff Wood
Oppervlakte
 - Totaal 24,517 km² (9,5 myl²)
Bevolking (2010)
 - Totaal 80 048
 - Digtheid 3 300/km² (8 547/myl²)
ZIP code 90711-16, 90805
Areakode(s) 562
Webwerf: lakewoodcity.org

Lakewood is 'n stad en munisipaliteit volgens algemene reg[1] in die Amerikaanse deelstaat Kalifornië se distrik Los Angeles County met 'n bevolking van 80 048 volgens die sensus van 2010. Die stadsgebied word begrens deur Long Beach in die weste en suide, Bellflower in die noorde, Cerritos in die noordooste, Cypress in die ooste en Hawaiian Gardens in die suidooste. Die snelweg San Gabriel River Freeway (Interstate 605) loop deur Lakewood se oostelike buurte.

Bouwerk aan die gang...
Lakewood in 1950

Soms word na Lakewood verwys as 'n "kitsstad" - 'n sinspeling op die stad se beplande ontwikkeling enkele jare ná die Tweede Wêreldoorlog om die behuisingstekort in Los Angeles County te verlig. Lakewood het vanaf 1950 op die limaboonvelde van 'n voormalige landbouterrein ontstaan as deel van 'n grootskaalse behuisingsprojek waarvolgens 17 500 huise binne 'n tydperk van vyf jaar op 'n industriële manier gebou is. In 1951 het die Lakewood Center Mall ontstaan as die destyds grootste winkelsentrum in die Verenigde State. Drie jaar later was Lakewood die eerste Kaliforniese nedersetting sedert 1939 wat geïnkorporeer is nadat inwoners die insluiting by naburige Long Beach verwerp het.

Die nuut geïnkorporeerde City of Lakewood het 'n vernuwende en kostebesparende idee van die advokaat John Todd verwesenlik om munisipale administrasie en dienslewering te vergemaklik. Volgens die sogenaamde Lakewood Plan word munisipale dienste soos polisie, brandweer en straatonderhoud nie deur die stad self voorsien nie, maar op 'n kontrakbasis deur Los Angeles County verskaf. Lakewood het sodoende die eerste Amerikaanse "kontrakstad" geword. Intussen het 'n kwart van Kaliforniese nedersettings asook tientalle stede elders in die VSA Lakewood se voorbeeld gevolg.[2]

Teen 1960 was Lakewood 'n vol-ontwikkelde nedersetting wat vandag steeds as die klassieke voorbeeld van 'n naoorlogse Amerikaanse voorstad beskou word.

Verwysings[wysig | wysig bron]

  1. Nota: Vir nedersettings in Kalifornië word die terme stad (city) en dorp (town) as sinonieme gebruik. Die munisipale bevoegdhede van nedersettings volgens algemene reg word deur die deelstaat se Government Code (ook California Codes genoem) bepaal.
  2. Los Angeles Almanac: A New Kind of City... Lakewood. Besoek op 9 Junie 2016