Lee Hazlewood

in Wikipedia, die vrye ensiklopedie
Jump to navigation Jump to search
Lee Hazlewood
Lee Hazlewood and Siw Malmkvist in 1968 - cropped.jpg
Lee Hazlewood in 1968
Agtergrondinligting
GeboortenaamBarton Lee Hazlewood
Gebore(1929-07-09)9 Julie 1929
Mannford, Oklahoma, Verenigde State
Sterf4 Augustus 2007 (op 78)
Henderson, Nevada, Verenigde State
GenresCountry music, popmusiek
Beroep(e)Sanger, liedjieskrywer, musikant, platevervaardiger
InstrumenteStem, kitaar
Jare aktief1958–2006
AssosiasiesDuane Eddy, Nancy Sinatra
Webwerfleehazlewoodmusic.net

Barton Lee Hazlewood (9 Julie 1929 – 4 Augustus 2007) was 'n Amerikaanse country music- en popsanger, liedjieskrywer en platevervaardiger wat internasionale bekendheid verwerf het deur sy samewerking met die kitaris Duane Eddy gedurende die laat 1950's en die sangeres en aktrise Nancy Sinatra gedurende die 1960's en 1970's. Vir Sinatra, wat aanvanklik in die skadu van haar beroemde vader Frank gestaan het, was dit die beginpunt van 'n suksesvolle loopbaan. Die wenresep hiervoor was gewaagd in sy tyd. Hazlewood het Nancy aangeraai om soos 'n veertienjarige meisie te sing wat met vragwabestuurders rondry - 'n soort musikale Skoonlief en die monster vir die popkultuur van die 1960's. Die kombinasie van Lee Hazlewood se bariton- en Nancy Sinatra se kristalhelder stem het in 'n verskeidenheid duette gekontrasteer wat boaan die trefferlyste gepryk het.