Leo Apostel

in Wikipedia, die vrye ensiklopedie
Jump to navigation Jump to search
Leo Apostel, 1980

Die Vlaams-Belgiese filosoof Leo Apostel (Antwerpen, 4 September 1925 - Gent, 10 Augustus 1995) studeer onder Chaim Perelman, Rudolf Carnap en Jean Piaget. Hy verwerf sy graad aan die Université Libre de Belgique (ULB) in Brussel en doseer logika en kennisleer aan die Ryksuniversiteit van Gent en die Vrye Universiteit van Brussel. In sy sogenaamde "natuurfilosofie" verwerk hy sy oortuiginge as 'n Vrymesselaar.

Leo Apostel publiseer 'n groot aantal boeke en word bekroon met die Solvayprys vir menslike wetenskappe in 1985 en die Arkprys van die Vrye Woord in 1986.

Leo Apostel was een van die groot pleitbesorgers van interdissiplinêre ondersoek en het gepoog om die kloof tussen die eksakte en menslike wetenskappe te oorbrug. Die Leo Apostel Sentrum vir Interdissiplinêre Studies (CLEA) aan die Vrye Universiteit van Brussel word na hom vernoem. Sy opvattinge oor ateïstiese religieusiteit vind weerklank in filosofiese kringe. Oor die Vrymesselary publiseer hy onder meer die boeke Freemasonry: A Philosophical Essay in 1985, en Atheïstische spiritualiteit in 1997 (postuum).

Eksterne skakel[wysig | wysig bron]