Lindsey Graham

in Wikipedia, die vrye ensiklopedie
Jump to navigation Jump to search

Lindsey Olin Graham (gebore op 9 Julie 1955) is 'n Amerikaanse politikus wat tans dien as die senior Senator van Suid-Carolina in die Senaat van die Verenigde State van Amerika. Hy hou die pos al sedert 2003.

Vanaf 2019 is hy die Voorsitter van die Verenigde State Komitee op die Regbank. Hy is 'n lid van die Republikeinse Party (Verenigde State).

Graham is 'n boorling van sentraal Suid-Carolina, en het sy Juris Doctor graad ontvang van die Regskool van die Universiteit van Suid-Carolina. Die grootste deel van sy aktiewe diens in die Amerikaanse Weermag het vanaf 1982 tot 1988 plaasgevind toe hy diens gedoen het saam met die "Judge Advocate General's" (JAG) Korps in die Lugmag van die Verenigde State, as 'n prokureur vir die verdediging, en daarna saam met die Lugmag se hoofaanklaer in Europa, wat in Wes-Duitsland gestasioneer was.

Later het sy hele loopbaan in die Reserwemag van die VSA Lugmag gelyktydig saamgeval met sy kongressionele loopbaan. Die Brons Ster Medalje is in 2014 aan hom toegeken.

Graham het as 'n prokureur in 'n privaatpraktyk gewerk voordat hy een termyn gedien het in die Suid-Carolina Huis van Verteenwoordigers, vanaf 1993 tot 1995.

Sy nasionale kongressionele loopbaan het begin toe hy verkies was in die eerste van vier termyne na die Verenigde State Huis van Verteenwoordigers, as verteenwoordiger van Suid-Carolina se 3de kongressionele distrik vanaf 1995 tot 2003.

In 2002 het Graham die Verenigde State Senaatsverkiesing in Suid-Carolina gewen, nadat die agt-term gevestigde Republikeinse senator, Strom Thurmond, sy aftrede aangekondig het. Hy het 'n tweede termyn gewen in 2008 en 'n derde termyn in 2014.

Graham is 'n afgetrede Kolonel van die Reserwemag van die Amerikaanse Lugmag, en is in die Senaat bekend om sy voorspraak vir 'n sterk nasionale verdedigingsmag en vir sy aggressiewe beleid van ingryping of tussenkoms wat internasionale konflikte betref.

Graham het tussen Junie en Desember 2015 in sy eerste en enigste presidensiële veldtog deelgeneem, maar het uitgeval voordat die 2016 Republikeinse "primaries" begin het. Hy was 'n uitgesproke kritikus van President Donald Trump se kandidatuurskap, en het nie veel gehou van President Trump se kommentaar oor John McCain nie. Sedert 2017 het Graham egter 'n ommeswaai gemaak, sy standpunte op President Trump verander en 'n stoere ondersteuner van die president geword.

Hy is miskien die heel bekendste, en het byna legendariese status bereik, vir sy passievolle en emosiebelaaide teregwysing van die Demokrate en hul "verfoeilike en oneerlike" taktieke en optrede gedurende die bevestigingsverhore van Regter Brett Kavanaugh na die Hooggeregshof van die Verenigde State van Amerika.[1]

Eksterne skakels[wysig | wysig bron]

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]