Livingstone

in Wikipedia, die vrye ensiklopedie
Spring na: navigasie, soek
Livingstone
Livingstone se hoofstraat.
Livingstone se hoofstraat.
Ligging van Livingstone op 'n kaart (Zambië)
Livingstone
Livingstone
Koördinate: 17°51′0″S 25°52′0″O
Land Vlag van Zambië Zambië
Provinsie Suidelike Provinsie
Hoogte 986 m (3 235 vt)
Bevolking (2000)
 - Stad 97 000
Tydsone SAST (UTC+2)
Gedenkteken ter nagedagtenis van Dr. Livingstone

Livingstone is 'n toerismedorp op die suidelike grens van Zambië met Zimbabwe, sowat 380 km suidwes van die hoofstad Lusaka op die Great North Road. Dit was die hoofstad van Noord-Rhodesië van 1911 tot 1935, toe dit deur die huidige hoofstad vervang is. Dit is steeds die hoofstad van Zambië se Suidelike Provinsie

Daar is 'n museum oor die lewe en reise van dr. David Livingstone (1831-73), na wie die dorp met sy stigting in 1905 vernoem is. Van die gewasse wat hier verbou word, is onder meer katoen, mielies, tabak en suikerriet. Die Victoria-waterval is 11 km suidwes van die dorp geleë. Die naam sou in 'n stadium na Maramba verander word, maar dit het blykbaar nie byval gevind nie en boonop was die destydse president, Kenneth Kaunda, teen die verandering gekant.

Die beraamde bevolking in 2009 was 130 153, 54 000 meer in die sensus van 1990. Toe Zambië in 1964 onafhanklik geword het, was die dorp se bevolking amper 32 000, waarvan 27 000 swart, 4 000 wit, 520 Asiaties en 30 bruin[1].

Die dorp beskik oor 'n internasionale lughawe[2], met onder meer vlugte deur Zambian Airways en die Suid-Afrikaanse Lugdiens na onder meer Johannesburg en Lusaka. Die laekoste-lugdiens 1time het op 26 November 2009 vier keer per week tussen hier en Johannesburg begin vlieg met 'n 130-stiplek-vliegtuig[3].

Die dorp se NG gemeente is in 1946 afgestig[4], maar is in die vroeë jare sewentig by Lusaka ingelyf omdat die lidmate ná onafhanklikwording drasties afgeneem het. Die dorp en omgewing word deur die leraar van die gemeente in Lusaka bedien en hou elke eerste en derde Sondag van die maand 'n erediens in die Sun-hotel by die Victoria-waterval[5].

Verwysings[wysig]

  1. Gordon-Brown, A., The Year Book and Guide to Southern Africa, Howard Timmins, Cape Town, 1965
  2. http://gc.kls2.com/airport/FLLI
  3. http://creativeteaming.com/blog/?p=189
  4. Olivier, ds. P.L., Ons gemeentelike feesalbum, N.G. Kerk-uitgewers, Kaapstad en Pretoria, 1952
  5. http://www.drcz.ng.org.za/html/liv_ed.html