Lood(IV)chloried

Eienskappe

Algemeen
Naam	Lood(IV)chloried
Struktuurformule van
Chemiese formule	PbCl4
Molêre massa	349,012 g/mol
CAS-nommer	13463-30-4
Voorkoms	Swaar geel vloeistof wat rook in vogtige lug
Fasegedrag
Smeltpunt	-15 °C
Kookpunt	150 °C (ontbind ~50 °C)
Digtheid
Oplosbaarheid	Reageer met water
ΔfHɵ (g)	-552,41 kJ/mol
ΔfGɵ (g)	-513,88 kJ/mol
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Lood(IV)chloried is 'n verbinding van lood (in oksidasietoestand +4) met chloor. Dit is 'n taamlik onstabiele reaktiewe verbinding wat in teenstelling tot lood(II)chloried 'n molekulêre struktuur besit. Dit bestaan uit tetraëdriese PbCl₄-molekule wat redelik kovalent is. Die verbinding word daarom dikwels ook loodtetrachloried genoem.

Die stof ontbind maklik deur

$PbCl_{4}\to PbCl_{2}(s)+Cl_{2}(g)$

($\Delta _{rxn}H=-30,1{\frac {kJ}{mol}}$)

Daar is berigte dat hierdie reaksie tot ontploffings kan lei en dat die stof daarom onder suiwere swawelsuur by -80 °C in die donker bewaar moet word.

Die tetrachloried kan vervaardig word deur PbCl₂ in 'n soutsuuroplossing te suspendeer -wat die ioon PbCl−3 skep- en chloorgas deur te lei by 0 °C. Dit vorm die heksaplumbaat-ioon PbCl2−6. Die heksaplumbaat van ammonium kan as vastestof neergeslaan word en hierdie stof met swawelsuur in PbCl₄ omgesit:

$(NH_{4})_{2}[PbCl_{6}](+H_{2}SO_{4})\to H_{2}PbCl_{6}\to 2HCl+PbCl_{4}$