Louis Luyt

in Wikipedia, die vrye ensiklopedie
Jump to navigation Jump to search
Louis Luyt
Geboortenaam Oswald Louis Petrus Poleÿ Luyt
Gebore 18 Junie 1932
Britstown, Noord-Kaap
Oorlede 1 Februarie 2013 (op 80)
Durban
Nasionaliteit Suid-Afrika
Ouers Charles Luyt en Cornelia Poleÿ
Titel Dr.
Beroep Sakeman, politikus, rugbyadministrateur
Bekend vir Inligtingsdebakel
Huweliksmaat Adri Luyt
Kind(ers) 4 kinders

Dr. Louis Luyt (* 18 Junie 1932 - † 1 Februarie 2013[1]) was ’n Suid-Afrikaanse sakeman en voormalige politikus en rugbyadministrateur. Luyt het vir hom naam gemaak as ’n jong rugbyster; hy het daarna die maatskappye Triomf Kunsmis en Luyt Brouerye gestig; en het beheer oor die Ellispark-stadion in Johannesburg namens die TRVU (Transvaalse Rugby Voetbalunie) oorgeneem in 1984. Luyt het veral bekendheid verwerf deur sy betrokkenheid by die Inligtingsdebakel van 1978 en sy beweerde finansiering om The Citizen-tabletkoerant namens die regering op die been te bring.

Biografie[wysig | wysig bron]

Oswald Louis Petrus Poleÿ Luyt is op 18 Junie 1932 op Britstown, Noord-Kaap, Suid-Afrika gebore.

Loopbaan as rugbyadministrateur[wysig | wysig bron]

Luyt was president van die Suid-Afrikaanse Rugbyunie toe die Springbokke die Rugby Wêreldbeker 1995 gewen het. Tydens die amptelike funksie wat vir die Springbokke en Nieu-Seeland ná die eindwedstryd gereël was, verklaar hy dat as Suid-Afrika aan die vorige twee Wêreldbekers deelgeneem het, hulle óók sou gewen het – insluitend die 1987-toernooi wat deur die All Blacks gewen is. Die All Blacks het die funksie daarna uit protes verlaat.[2][3]

Dr. Luyt het die springbok-handelsmerk in 1996 vir S.A. Rugby geregistreer.[4]

Loopbaan as politikus[wysig | wysig bron]

In 1998 bedank Luyt as rugbyunie-president nadat hy van rassisme en finansiële wanbestuur beskuldig is, en stig daarna ’n politieke party.[5] Hy was vanaf 1999 lid van die Parlement van Suid-Afrika as leier van die Federale Alliansie. Die party het later met die Vryheidsfront saamgesmelt.

Bibliografie[wysig | wysig bron]

  • Du Preez, Max (2001). Louis Luyt Unauthorised. Zebra-uitgewers. 

Verwysings[wysig | wysig bron]

  1. Oud-rugbybaas Louis Luyt sterf”. www.nuus24.com. URL besoek op 1 Februarie 2013.
  2. (en) Wêreldbekeroomblikke: ’n skepskop in die derms”. New Zealand Herald: 8 Oktober 2003. URL besoek op 1 Februarie 2013.
  3. (en) Davies, Sean (28 September 2006). “Magtige Bokke: Suid-Afrikaanse Rugby”. BBC Sport. URL besoek op 1 Februarie 2013.
  4. Nell, Stephen (21 Oktober 2008). “Luyt aan Stofile-hulle: ‘Dis nie jul embleem nie’”. Beeld. URL besoek op 1 Februarie 2013.
  5. (en) Voormalige Suid-Afrikaanse rugbybaas stig politieke party”. BBC News: 30 September 1998.

Eksterne skakels[wysig | wysig bron]