Ludwigsburg, Duitsland

Ludwigsburg
Kaart	Wapen



	Vlag


Land	Duitsland
Deelstaat	Baden-Württemberg
Koördinate	48°54′N 9°12′O / 48.900°N 9.200°O / 48.900; 9.200
Stigting (eerste verwysing)	1704
Stadstatus	1718
Oppervlakte:
- Totaal	43,34 vk km
Hoogte bo seevlak	295 m
Bevolking:
- Totaal (31 Desember 2024)	92 858^[1]
- Bevolkingsdigtheid	2 143/vk km
Tydsone	UTC +1 (MET)
- Somertyd	UTC +2 (MEST)
Burgemeester	Matthias Knecht
Amptelike webwerf	ludwigsburg.de

Ludwigsburg is 'n stad in Baden-Württemberg in die suide van Duitsland met 'n bevolking van 92 858 op 31 Desember 2024 en 'n oppervlakte van 43,34 km². Die stad is 12 km noord van Stuttgart langs die Neckarrivier geleë. Ludwigsburg is in 1704 deur hertog Eberhard Ludwig gestig.

Ludwigsburg is die hoofstad van die Ludwigsburg-distrik. Hertog Eberhard Ludwig het sy paleis hier laat bou. Die stad het daarna rondom die kasteel ontstaan en sy stadsregte in 1718 ontvang. Die stad staan bekend vir sy paleis, die omliggende tuine en lane. In vergelyking met ander Duitse stede het die stad relatief ongeskonde gebly tydens die Tweede Wêreldoorlog.^[2]

In 1962 het Konrad Adenauer, die destydse kanselier van Wes-Duitsland, en Charles de Gaulle, die destydse president van Frankryk, in Ludwigsburg ontmoet as deel van die naoorlogse Frans-Duitse vriendskap. Ná 'n eeu se oorloë tussen dié twee lande het hulle besin oor die feit dat die verhoudings tussen die twee lande nou goed was.^[3]