Magma

in Wikipedia, die vrye ensiklopedie
Spring na: navigasie, soek

Magma is gesmelte rots binne-in die aarde. Dit is baie warm (tussen 650 en 1200 grade Celsius) en onder hoë druk. Sodra dit deur die aarde se oppervlak breek, word dit lawa genoem.

Magmakamers[wysig | wysig bron]

Die magmakamer onder Yellowstone

Magma kan op 'n diepte van 100 tot 300 km gevorm word, maar gewoonlik stam dit van minder diep in die boonste deel van die aardse se mantel of die onderste dele van die aardkors. Wanneer dit eers gevorm is neig dit om te styg omrede dit 'n laer digtheid as die omringende rotse het. Dikwels versamel dit in magmakamers wat 'n inhoud van 'n paar tot honderde kubieke kilometers kan hê. Waar die kors dun is kan hierdie kamers net 'n paar kilometer diep sit, maar op plekke waar tektoniese plate by mekaar kom kan dit tien keer so diep wees of meer. Party magma in die kamers koel net stadig af en kristalliseer binne die aardkors. Dit is hoe plutone gevorm word. Ander magma styg tot dit die oppervlak bereik en bars as lawa uit.[1]

Verwysings[wysig | wysig bron]

  1. The Changing Earth: Exploring Geology and Evolution James Monroe, Reed Wicander, Cengage Learning, 2008, ISBN 0-495-55480-4, ISBN 978-0-495-55480-6 bls 89