Maranta

in Wikipedia, die vrye ensiklopedie
Jump to navigation Jump to search
Maranta
Maranta leuconeura
Wetenskaplike klassifikasie
Koninkryk: Plantae
Divisie: Magnoliophyta
Klas: Liliopsida
Subklas: Zingiberidae
Orde: Zingiberales
Familie: Marantaceae
Genus: Maranta
Plum. ex L.

Maranta is ’n genus blomplante in die familie Marantaceae, wat inheems is aan tropiese Sentraal- en Suid-Amerika en die Wes-Indiese Eilande.[1][2]

Eienskappe[wysig | wysig bron]

Sowat 40 tot 50 spesies word erken.[3] Hulle het almal risome. Die ovaalvormige, immergroen blare is plat in die dag en vou saans toe (vandaar die Engelse naam prayer plant).[4] Die blomme is klein met drie kroonblare en twee groter kroonblaaragtige staminodieë (onvrugbare meeldrade).

Sommige spesies soos M. leuconeura en M. arundinacea met hul vlekke op die blare wat lyk asof dit daarop geverf is, is gewilde huisplante wat gedy op ’n warmrige plek. Hulle kan voortgeplant word met steggies en die verdeling van die wortels.

Probleme[wysig | wysig bron]

Droë blare wat opkrul, kan dui op ’n te koue plek of droogte. Blare kan verdof van te veel direkte sonlig. Rooimyte kan ook voorkom.[5]

Spesies[wysig | wysig bron]

Die blare van M. leuconeura 'Erythrophylla'.

Twee kultivars van M. leuconeura wat baie gewild is, is 'Kerchoveana' en 'Erythrophylla' (of 'Tricolor'). Eersgenoemde het swart gevlekte blare en laasgenoemde se blare het twee skakerings van groen en die are is rooi.

Daar is talle ander spesies. Dit sluit in:[6]

  • Maranta amazonica
  • Maranta amplifolia
  • Maranta anderssoniana
  • Maranta arundinacea
  • Maranta bracteosa
  • Maranta burchellii
  • Maranta cordata
  • Maranta coriacea
  • Maranta cristata
  • Maranta depressa
  • Maranta divaricata
  • Maranta foliosa
  • Maranta friedrichsthaliana
  • Maranta furcata
  • Maranta gibba
  • Maranta hatschbachiana
  • Maranta humilis
  • Maranta incrassata
  • Maranta lietzei
  • Maranta lindmanii
  • Maranta linearis
  • Maranta longiflora
  • Maranta longipes
  • Maranta longiscapa
  • Maranta noctiflora
  • Maranta parvifolia
  • Maranta phrynioides
  • Maranta pleiostachys
  • Maranta pluriflora
  • Maranta pohliana
  • Maranta protracta
  • Maranta pulchra
  • Maranta purpurea
  • Maranta pycnostachys
  • Maranta rugosa
  • Maranta ruiziana
  • Maranta rupicola
  • Maranta sobolifera
  • Maranta subterranea
  • Maranta tuberculata
  • Maranta zingiberina

Verwysings[wysig | wysig bron]

  1. Maranta in Flora of North America
  2. Maranta in Flora of China
  3. "World Checklist of Selected Plant Families". 
  4. RHS A-Z encyclopedia of garden plants. United Kingdom: Dorling Kindersley. 2008. p. 1136. ISBN 1-4053-3296-4. 
  5. Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
  6. "World Checklist of Selected Plant Species, general search". 

Eksterne skakels[wysig | wysig bron]