Maria Ramos

in Wikipedia, die vrye ensiklopedie
Spring na: navigasie, soek
Maria Ramos
’n Beeld van die betrokke persoonlikheid.
Maria Ramos tydens die Wêreld Ekonomiese Forum in Davos, 2010

Geboortenaam Maria da Conceição das Neves Calha Ramos
Gebore 22 Februarie 1959
Lissabon, Portugal
Nasionaliteit Portugal, Suid-Afrika
Beroep Hoof uitvoerende beampte van ABSA
Politieke party ANC
Huweliksmaat Trevor Manuel

Maria Ramos is 'n Portugese en Suid-Afrikaanse besigheidsvrou en eertydse publieke administrateur. Sy is in 2008 met die Suid-Afrikaanse politikus Trevor Manuel getroud.

Lewensloop[wysig | wysig bron]

Maria da Conceição das Neves Calha Ramos is op 22 Februarie 1959 in Lissabon in Portugal gebore.[1] Sy het ekonomie gestudeer en het ook die vak by die Universiteit van Suid-Afrika en die Universiteit van die Witwatersrand aangebied. Sy het 'n Baccalaureus Commercii in ekonomie aan die Universiteit van die Witwatersrand en 'n ​​magistergraad in ekonomie van die Universiteit van Londen verwerf.

Sy was 'n lid van die ANC-span wat aan die fiskale aspekte van Suid-Afrika se Tussentydse Grondwet van 1993 gewerk het. Sy verwerf bekendheid in die middel tot laat 1990's as direkteur-generaal van Suid-Afrika se Nasionale Tesourie.

Sy word later as uitvoerende hoof van Transnet aangestel. In 2009 word sy die hoof uitvoerende beampte van die Absa-groep, een van Suid-Afrika se grootste finansiële dienste maatskappye.

Fortune magazine het haar in 2009 as een van die top tien vroulike leiers ter wêreld aangewys.[2]

Verwysings[wysig | wysig bron]

  1. "Who's who of South Africa"
  2. "Ten global leaders", Fortune. Besoek op 27 September 2009.