22 Februarie

22 Februarie is die 53ste dag van die jaar in die Gregoriaanse kalender. Daar volg nog 312 dae in die res van die jaar (313 in skrikkeljare).

Gebeure

1198 – Pous Innocentius III word gekroon.
1265 – Pous Clemens IV word gekroon.
1281 – Pous Martinus IV volg Pous Nicolaas III op.
1494 – 6000 Switserse huursoldate verower die Koninkryk van Napels vir Koning Karl VIII van Frankryk.
1531 – Pous Clemens VII stel twee Spaanse kardinale aan.
1550 – Pous Julius III word gekroon deur kardinaal Innocenzo Cibo.
1664 – Pous Alexander VII en die Franse koning Lodewyk XIV sluit die verdrag van Pisa.
1672 – Pous Clemens X stel twee nuwe kardinale aan waaronder Vincenzo Maria Orsini (later Pous Benedictus XIII).
1775 – Pous Pius VI word gekroon deur kardinaal Alessandro Albani.
1819 – Tydens die Adams-Onís verdrag, verkoop Spanje Florida aan die VSA vir vyf miljoen VSA dollar.
1886 – Die eerste goud (61 onse) word van Kromdraai aan die Witwatersrand na die Standard Bank in Pretoria gestuur.
1943 – Tweede Wêreldoorlog: Lede van die White Rose Society word skuldig bevind aan hoogverraad en word per guillotine deur die Nazi regering in Duitsland tereggestel.
1944 – Tweede Wêreldoorlog: Nijmegen word per ongeluk deur die geallieerde magte gebombardeer. Byna 800 mense sterf en groot dele van die ou binnestad is verwoes.
1956 – Elvis Presley bereik met Heartbreak Hotel die Top 40.
1979 – St. Lucia word van die Verenigde Koninkryk onafhanklik.
1980 – Die VSA verslaan die Sowjetunie in Olimpiese yshokkie in 'n onwaarskynlike oorwinning wat die Miracle on Ice gedoop is.
1992 – Die vyfde Krieketwêreldbeker begin in Australië en Nieu-Seeland.
1994 – Die Merriespruit-slikdamramp vind plaas te Virginia.
1997 – Wetenskaplikes by die Roslin Instituut in Skotland kondig die geboorte van 'n gekloonde skaap genaamd Dolly aan.

Geboortes

1161 – Lotario di Segni (later Pous Innocentius III) († 1216).
1732 – George Washington, eerste President van die Verenigde State († 1799).
1788 – Arthur Schopenhauer, Duitse filosoof († 1860).
1821 – Jan van Beers, Vlaamse digter († 1888).
1857 – Heinrich Hertz, Duitse fisikus († 1894).
1858 – Sir Thomas Smartt, leier van die Unionisteparty en kabinetsminister († 1929).
1871 – John Langalibalele Dube, Suid-Afrikaanse essayis, filosoof, opvoedkundige, politikus, uitgewer, redakteur, skrywer en digter († 1946).
1895 – Ethel Remey, Amerikaanse aktrise. († 1979).
1896 – Paul van Ostaijen, Vlaamse digter († 1928).
1897 – Joeri Kondratjoek Russiese pionier van ruimtevaartkunde en ruimtevlug († 1942).
1920 – Hannah du Plessis, Afrikaanse skrywer van liefdesromans († 1990).
1921 – Jean-Bédel Bokassa, president van die Sentraal-Afrikaanse Republiek († 1996).
1921 – Daan Retief, Suid-Afrikaanse akteur, radio-omroeper, rolprentregisseur. Bekend as Staal Burger in sy vervolgreekse († 1990).
1929 – Dolf van Niekerk, Afrikaanse skrywer († 2022).
1936 – Jans Rautenbach, Suid-Afrikaanse draaiboekskrywer, film-vervaardiger en regisseur († 2016).
1938 – Karin Dor, Duitse aktrise († 2017).
1943 – Horst Köhler, Duitse president († 2025).
1949 – Niki Lauda, Oostenrykse Formule Een-renjaer, driemalige wêreldkampioen († 2019).
1950 – Julie Walters, Britse aktrise en skrywer.
1956 – Philip Kerr, Britse skrywer († 2018).
1962 – Steve Irwin, Australiese wildkenner, TV-persoonlikheid en omgewingsbewaarder († 2006).
1975 – Drew Barrymore, Amerikaanse aktrise.
1979 – Débora Falabella, Brasiliaanse aktrise.
1980 – Jaco Jacobs, Suid-Afrikaanse kinderboekskrywer.
1987 – Dewald Potgieter, Suid-Afrikaanse rugbyspeler.

Sterftes

606 – Pous Sabinianus, 65ste pous van die Rooms-Katolieke Kerk (* onbekend).
1512 – Amerigo Vespucci, Italiaanse ontdekkingsreisiger (* 1454).
1830 – Dawid Stuurman, Khoi-opperhoof en politieke aktivis wat teen die Nederlandse en Britse koloniale regering in opstand gekom het (* 1773).
1943 – Sophie Scholl, weerstandsvegter van die Wit Roos in Nazi Duitsland (* 1921).
1957 – Jochem van Bruggen, Afrikaanse skrywer (* 1881).
1984 – David Vetter, Amerikaanse Bubble Boy (* 1971).
1987 – Andy Warhol, Amerikaanse kunstenaar (* 1928).
1990 – Thomas Ochse Honiball, Suid-Afrikaanse spot- en strokiesprentkunstenaar (* 1905).
2000 – Paula Styger, Suid-Afrikaanse aktrise (* 1913).
2002 – Jonas Savimbi, leier van UNITA in Angola (* 1934).
2002 – Tilana Hanekom, Suid-Afrikaanse aktrise (* 1921).
2016 – Annique Theron, Suid-Afrikaanse sakevrou en stigter van Annique (* 1929).
2016 – Kupido, Suid-Afrikaanse sanger en liedjieskrywer (* 1953).
2019 – Tjaart van der Walt, oud-rektor van die Potchefstroomse Universiteit (* 1934).
2021 – Aleksander Doba, Poolse kajakvaarder wat veral bekend was vir sy lang reise wat oseane oorsteek (* 1946).

Vakansies, vierings, en waarnemingsdae

Feesdag van Pous Avilius van Alexandrië derde patriarg van die Kerk in Alexandrië volgens die Oosterse-Ortodokse Kerke.