Martinsyde F.4 Buzzard

in Wikipedia, die vrye ensiklopedie
Jump to navigation Jump to search
Martinsyde F.4 Buzzard
Martinsyde Buzzard 070707.JPG
Martinsyde Buzzard in die lugvaartmuseum van Finland
Tipe Dubbeldekker vegvliegtuig
Vervaardiger Martinsyde
Nooiensvlug Mei 1918
Hoofgebruiker Britse Lugmag
Aantal gebou 370+

Die Martinsyde F.4 Buzzard is 'n dubbeldekker Britse vegvliegtuig wat laat in die Eerste Wêreldoorlog in diens gestel is. Dit was die hoogtepunt van die Martinsyde F-reeks-vliegtuigontwikkeling. Die vliegtuig het sy nooiensvlug in Mei 1918 onderneem. Die F.4 was ontwikkel uit die Martinsyde F.3, 'n prototipe wat volledig getoets was en selfs ontplooi is vir moederland verdediging deur die Royal Flying Corps, voorloper van die Britse Lugmag. Nadat die F.4 getoets was deur die Britse Lugmag, was vliegtuig se hantering en vermoë so hoog geag dat 'n groot bestelling onmiddellik geplaas was vir 1450 eenhede. Die enjins se aflewering was egter vertraag en slegs 'n paar van die F.4 is afgelewer toe die oorlog tot 'n einde gekom het. Die res van die bestelling was gekanselleer. Op daardie stadium het Martinsyde 370 eenhede voltooi maar as gevolg van die vliegtuig se vermoë is hulle verkoop aan Spanje, Ierland, Japan, Letland, Sowjet Unie, Portugal en Finland. In laasgenoemde is die vliegtuig vir opleiding gebruik tot in 1939.

Tegniese besonderhede[wysig | wysig bron]

Besonderhede van die Martinsyde F.4 Buzzard:
Item Statistiek
Aantal motore 1
Tipe motor Skroef
Vervaardiger Hispano-Suiza V-8 suiermotor
Kraglewering per motor 300 perdekrag
Vlerkspan 9,99 m
Lengte 7,77 m
Hoogte 3,15 m
Vlerkoppervlakte 29,73 m2
Maks. opstygmassa 1 038 kg
Maks. snelheid 233 km/h
Operasionele hoogte 7 620 m
Togafstand 2 uur, 30 minute
Klimvermoë 3 050 m in 7 minute en 54 sekondes
Bewapening Twee 7,7 mm gesinchroniseerde masjiengewere

Sien ook[wysig | wysig bron]

Bron[wysig | wysig bron]