Marx Bashew
Marx Bashew | |
|---|---|
| Gebore | Mordecai Shabashewitz 15 Mei 1876 |
| Sterf | 17 Januarie 1949 (op 72) |
| Nasionaliteit | Suid-Afrika |
| Beroep | Ondernemer |
| Eggenoot | Ethel Klein[1] |
Marx Bashew (geboortenaam Mordecai Shabashewitz, 1876 – 1949) was 'n Suid-Afrikaanse ondernemer wat daarvoor bekend is dat hy die koeldrankhandelsmerk Bashew's saam met sy broer Harry gestig het.[2]
Herkoms[wysig | wysig bron]
Hy is in die Joodse familie van Tsemach en Rachel Shabashewitz in die klein Litause dorpie Raseiniai in die destydse Russiese Ryk gebore. Net soos baie jong Litause Jode aan die einde van die 19de eeu, het hy na die Kaapkolonie geëmigreer. Daar het hy sy Jiddisj-naam na Marx Bashew verander sodat dit makliker was vir die plaaslike bevolking om uit te spreek.[3]
Bashew's[wysig | wysig bron]
Toe die Tweede Vryheidsoorlog duisende Britse soldate na Kaapstad gebring het, het Marx en sy broer Harry (geboortenaam Tsvi) 'n klein koeldrankaanleg geopen om aan die verhoogde aanvraag deur die dienspligtiges te voldoen. Die Bashew-broers het tot Harry se dood in 1947 aan die hoof van die maatskappy gestaan. Koeldranke onder die handelsmerk Bashew's word tot vandag toe in Stellenbosch vervaardig, nou deur die maatskappy Chill Beverages. Sake24, 'n bylaag by die koerante van Naspers, het Bashew's as deel van Suid-Afrika se kultuurerfenis beskryf vanweë sy lang geskiedenis.[4]
Verwysings[wysig | wysig bron]
- ↑ Rosin, Jozef. "Raseiniai (Rasein). 'n Geskiedenis van 50 Joodse gemeenskappe in Litaue" (in Engels). Besoek op 2 Julie 2023.
- ↑ Gordin Levitan, Eilat. "Die Bashew-broers. Raseiniai se stories". JewishGen (in Engels). Besoek op 2 Julie 2023.
- ↑ "Marx Bashew". Geni (in Engels). Besoek op 2 Julie 2023.
- ↑ Smith, Carin. "Bashew's is al dekades soos 'n kultuurerfenis". Sake24. Besoek op 31 Mei 2023.