Matt Dillon

in Wikipedia, die vrye ensiklopedie
Matt Dillon
'n Beeld van die betrokke persoonlikheid.
Matt Dillon in 2010.

Geboortenaam Matthew Raymond Dillon
Geboorte 18 Februarie 1964 (1964-02-18) (60 jaar oud)
Aktiewe jare 1979-tans

Matthew Raymond "Matt" Dillon (gebore op 18 Februarie 1964) is ’n Amerikaanse akteur en regisseur.

Loopbaan[wysig | wysig bron]

Hy het sy rolprentdebuut in 1979 in Over the Edge gemaak en ’n tieneridool geword deur in flieks soos My Bodyguard (1980), Tex (1982), Rumble Fish (1983) en The Outsiders (1983) te speel. Sedert die laat 1980's het hy verdere sukses behaal met prente soos Drugstore Cowboy (1989), Singles (1992), The Saint of Fort Washington (1993), To Die For (1995), Beautiful Girls (1996), In & Out (1997), There's Something About Mary (1998) en Wild Things (1998).

In ’n 1991-artikel het die bekroonde resensent Roger Ebert hom en Sean Penn die beste akteurs van hul ouderdomsgroep genoem.[1]

In die 2000's het Dillon sy regisseursdebuut gemaak met City of Ghosts (2002) en was hy in flieks soos Crash (2004), Factotum (2005), You, Me and Dupree (2006), Nothing but the Truth (2008) en Sunlight Jr. (2013). Tydens sy loopbaan het hy talle pryse en benoemings gekry, onder meer ’n Oscar- en Golden Globe-benoeming vir Crash en ’n Grammy-benoeming vir die vertelling van Jack Kerouac se On the Road.

In 2015 was hy te sien in die televisieminireeks Wayward Pines.

Verwysings[wysig | wysig bron]

  1. Ebert, Roger Geargiveer 12 September 2012 op Wayback Machine, Chicago Sun-times, 26 April 1991.